1 Lëk 8 - JAM DE NHIALIC 2011

Käu de Benjamin

¹ Benjamin ade wɛ̈ɛ̈t kadhïc. Gɔl ë kɛ̈i leer ë mɛnh koor, Bila, Acebel, ku Aɣara,

² Nowa, ku Rapa.

³ Ku kuat de Bila ee Addar, ku Gera, ku Abiɣud,

⁴ ku Abicua, ku Naaman, ku Aɣoya,

⁵ ku Gera, ku Cepupan ku Ɣuram.

⁶ Ku kakë ee kuat de Eɣud (ee kek ye bäny ë ɣöötken thook, kɔc ë ceŋ Geba, ku acï keek bɛ̈n peec leerë keek Manaɣath.)

⁷ Ku Naaman, ku Aɣija ku Gera, yen aye Ɣeglam, acï keek peec, yen aye wun Yudha, ku Aɣiɣud.

^8-9 Ku Caɣariam ade nɔm wɛ̈ɛ̈tke piny de Mowap, wään cï yen diäärke yï Ɣucim ku Baara pɔ̈l. Wɛ̈ɛ̈tke në tiiŋ de Ɣodec: ee Jobap, ku Dhibia, ku Meca, ku Malkam.

¹⁰ Jeudh, ku Thakia, ku Mirma. Kakë ayek wɛ̈ɛ̈t bäny nu në ɣööt ke wärken nïïm.

¹¹ Ku ade nɔm wɛ̈ɛ̈t kaarou ë dhiëëth tiiŋ cɔl Ɣucim: Abitub ku Elpaal.

¹² Elpaal ade wɛ̈ɛ̈t kadiäk: Eber, Mithɣam, ku Cemed. Go Cemed wuöt ke Ono ku Lod yïk, ku jɔ bɛ̈i kor tɔ̈u ë kelɔ̈m bɛ̈n lɔ yïk.

Kɔc dhiën de Benjamin tɔ̈u ë Gath ku Aijalon

¹³ Beriya ku Cema kek aye bäny ke ɣööt cï ɣap ë Aijalon ku copkï kɔc ë rɛ̈ɛ̈r pänydït ë Gath.

¹⁴ Kuat de Beriya ade yic yï Aɣiyo, Cakcak, Jeremoth,

¹⁵ Dhebadia, Arad, Eder,

¹⁶ Maikɔl, Yicpa ku Jowa, aake ye wɛ̈ɛ̈t ke Beriya.

Dhiën de Benjamin tɔ̈u ë Jeruthalem

¹⁷ Kuat de Elpaal ee yï: Dhebadia, Meculam, Ɣidhiki, Ɣeber,

¹⁸ Yicmarai, Yidhalia, ku Jobap.

¹⁹ Kuat de Cimei ee yï: Jakim, Dhikiri, Dhabedi,

²⁰ Elienai, Dhilethai, Eliel,

²¹ Adaya, Biraya, ku Cimerath; Cimei.

²² Kuat de Cakcak ee yï Yicpan ku Eber, ku Eliel,

²³ ku Abadon, ku Dhikiri, ku Ɣanan,

²⁴ ku Ɣanania, ku Eelam, ku Anthothija,

²⁵ ku Yipadia, ku Penwɛl.

²⁶ Kuat de Jeroɣam ee yï, Camcerai, ku Ceɣaria, ku Athalia,

²⁷ ku Jaarecia, ku Elija, ku Dhikiri ayek wɛ̈ɛ̈t ke Jeroɣam.

²⁸ Kakë ee kek ee bäny ke ɣööt thook cït man de täu de ciɛɛŋ de kuat rɛ̈ɛ̈r ë Jeruthalem.

Kɔc ke Benjamin rɛ̈ɛ̈r ë Gibiɔn ku Jeruthalem

²⁹ Jeyel ë keer pänydït de Gibiɔn ku rëër ëtɛ̈ɛ̈n. Tiiŋde acɔl Maaka,

³⁰ ku wën kɛ̈ide acɔl Abadon, wɛ̈ɛ̈tkɛn kɔ̈kë acɔl keek, Dhur, Kic, Baal, Ner, ku Nadap,

³¹ Gedor, Aɣiyo, Dheker,

³² ku Mikiloth, wun Cimea. Kuatden aa rɛ̈ɛ̈r ë Jeruthalem të thiääk ke ɣööt kɔ̈k ke dhiënden.

Baai de Melik Thaulo

³³ Ner ee yen ee wun Kic, ku ye Kic wun melik Thaulo. Thaulo ade wɛ̈ɛ̈t kaŋuan: Jɔnathan, Malkicua, Abinadap, ku Eecbaal.

³⁴ Jɔnathan ee wun Meribaal, ku acɔl Mepiboceth, yen ee wun Maika.

³⁵ Maika ade wɛ̈ɛ̈t kaŋuan: Pithon, ku Melek, ku Tareya, ku Aɣadh.

³⁶ Ku Aɣadh ee wun Jeɣoyada, wään ë ye wun Alemeth, ku Adhimabeth, ku Dhimri. Ku Dhimri ee wun Modha.

³⁷ Ku Modha ee wun Bineya, Bineya de Rapaa, Rapaa de Eleyatha, Eleyatha de Adhel.

³⁸ Ku Adhel ade wɛ̈ɛ̈t kadhetem: Adhirkam, ku Bokeru, ku Yicmiɛl, ku Ciiria, ku Obadaya, ku Ɣanan. Kakë kedhie ayek wɛ̈ɛ̈t ke Adhel.

³⁹ Ku Ecek mänhë Adhel ade wɛ̈ɛ̈t kadiäk: Yulam wën kɛ̈ide, ku Jiyuc në yecök, ku lɔ Elipelet ke ee diäŋden.

⁴⁰ Ku wɛ̈ɛ̈t ke Yulam ayek rem de tɔŋ ril ku ŋickï muny de dhɛ̈ŋ. Ku wɛ̈ɛ̈tke ku mïth ke wɛ̈ɛ̈tke kedhie ayek bɔt ku thiërdhïc 150. Kek ee rin nu tueŋë kedhie ayek kɔc dhiën de Benjamin.