1 Lëk 7 - JAM DE NHIALIC 2011

Käu de Yithakar

¹ Yithakar ade wɛ̈ɛ̈t kaŋuan, Tola, Pua, Jacup ku Cimron.

² Tola ade wɛ̈ɛ̈t kadhetem: Yudhi, Repaya, Jeriɛl, Jamai, Yibtham ku Cemwɛl. Kek aye bäny ke ɣööt de dhiën de Tola, ku aye rem de tɔŋ cï dɛ kɛk. Në akööl ke melik Debid kuɛ̈n de kuatden acï bɛ̈n ɣet aguum kathiërrou ku rou ku bot kadhetem 22,600.

³ Yudhi ade wën tök acɔl Yidhara, Ku Yidhara ade wɛ̈ɛ̈t kaŋuan: Maikɔl, Obadaya, Jowɛl, ku Yicia, ayek bäny ke ɣöötken ëbɛ̈n.

⁴ Adekï nïïm diäär juëc ku mïth, arëk abï kuatden aguum kathiërdiäk ku dhetem (36,000) de rem de tɔŋ yök.

⁵ Kuɛ̈n de ɣööt ke dhiën de Yithakar cï gɔ̈ɔ̈r rin ayek aguum kathiërbɛ̈t ku dhorou 87,000 de röör duëër tɔŋ lëu.

Käu de Dhiën de Benjamin ku Dan

⁶ Benjamin ade wɛ̈ɛ̈t kadiäk, Bila, Beker, ku Jadiil.

⁷ Bila ade wɛ̈ɛ̈t kadhïc: Yidhbon, Yudhi, Yudhiɛl, Jerimoth ku Yiri. Ayek bäny ke ɣöötken thook, ku ayek rem de tɔŋ de kɛk ŋic. Kuatden ade aguum kathiërrou ku rou, ku thiërdiäk ku ŋuan 22,034 de röör duëër tɔŋ lëu.

⁸ Beker ade wɛ̈ɛ̈t kadhoŋuan: Dhemira, Jowac, Eliedher, Eliyonai, Omri, Jeremoth, Abija, Anathoth, ku Alemeth. Keek kedhie ayek wɛ̈ɛ̈t ke Beker.

⁹ Kuɛ̈n de kɔc cï ke gɔ̈ɔ̈r ë kuatden yic, në ɣöötken thook, ayek aguum kathiërrou ku bɔt tök 20,200 de röör duëër tɔŋ lëu.

¹⁰ Jadiil ade nɔm wën tök cɔl Biliɣan. Ku Biliɣan ade wɛ̈ɛ̈t kadhorou: Jiyuc, Benjamin, Eɣud, Kenana, Dhethan, Tarcic, ku Aɣicaɣar.

¹¹ Kakë kedhie ayek wɛ̈ɛ̈t ke Jadiil në ɣöötken thook, ku ayek rem de tɔŋ de kɛk ŋic. Kuatden acï aguum kathiëër ku dhorou, ku bot kaarou 17,200 de röör duëër tɔŋ lëu.

¹² Cupim ku Ɣupim ayek wɛ̈ɛ̈t ke Yir, ku Ɣucim ee wën de Aɣer.

Käu de Naptali

¹³ Naptali ade wɛ̈ɛ̈t kaŋuan, Jadhiel, Cuni, Jedher, ku Calum. (Keek ayek kuat de Bila.)

Käu de Manatha

¹⁴ Në tiiŋ mɔ̈th de Aramiin, Manatha acï wɛ̈ɛ̈t kaarou bɛ̈n dhiëëth, Athriel, ku Makir. Ku Makir yen ee wun Giliyad.

¹⁵ Go Makir tik thiëk Ɣupim, ku thiëk däŋ Cupim. Nyankënë acɔl Maaka. Ku wën de rou de Makir acɔl Dhelopad, ku aa de nɔm duet kapäc.

¹⁶ Go Maaka tiiŋ de Makir mïthwät kaarou dhiëëth, go ke cäk an Perec ku Cerec. Perec ade wɛ̈ɛ̈t kaarou, Yulam ku Rekem.

¹⁷ Yulam ade nɔm wëndɛn cɔl Bedan. Kakë kedhie ayek kuat de Giliyad wën de Makir, wën de wën ë Manatha.

¹⁸ Nyankënë Giliyad Ɣamoleketh ade wɛ̈ɛ̈t kadiäk, Yicod, Abiedher, ku Mala.

¹⁹ (Cemida ade wɛ̈ɛ̈t kaŋuan, Aɣian, Cekem, Likiɣi, ku Aniam.)

Käu de Eparaim

²⁰ Eparaim ade wɛ̈ɛ̈t kaŋuan, Cuthela, Bered, Taɣath, ku Eliida,

²¹ Dhabad, ku Cuthela. Eparaim aya aade nɔm wɛ̈ɛ̈t kɔ̈k kaarou cï keek bɛ̈n nɔ̈k ë raan de Gath. Wään kɔɔr kek bïk ɣɔ̈k ke kɔc ceŋ Gath kual.

²² Wunden Eparaim acï wɛ̈ɛ̈t ke bɛ̈n dhiëëu ë nïn juëc, go kɔc raan ë yen bɛ̈n tëde bïk bɛ̈n riit piɔ̈u.

²³ Go Eparaim lɔ ɣöt nyɔk ke tiiŋde go meth yök, ku dhiëëth mɛwä, gokï cäk an, Beriya ë biäk de riäŋ cï tuöl baaiden.

²⁴ Eparaim ade nyandɛn cɔl Ceera. Acï wuöt kaarou bɛ̈n yïk të thöny ku të piny tɔ̈u de Bethɣaron ku Yudhen Ceera.

²⁵ Eparaim ade wëndɛn däŋ cɔl Reepa de kuatdɛn cɔl yï: Recep, Tela, Taɣan.

²⁶ Ladan, ku wëndɛn Amiɣud, Elicama,

²⁷ Nun, ku Jocua,

²⁸ Piny cïk nööm ade yic Bethel ku wuöt kɔ̈k thiääk ë yen, ayï ɣään mec kɔ̈k tɔ̈u ë biäk të lɔ aköl athɛ̈i, Gedher, ku wuöt kɔ̈k thiääk ë yen. Yen aya acï ɣet ë wuöt ke yï Naaran, ku ɣeet ë biäk de yï Cekem ku Ayya, ku wuöt kɔ̈k thiääk ë keek.

²⁹ Kuat de Manatha kek amac pɛ̈ɛ̈nydït ke Beth Can, Taanak, Megido, ku Dor ku wuöt thiääk ë keek. Ɣäänkë kedhie kek aa cieŋ ë kuat de Jothep wën de Jakop.

Käu de Acer

³⁰ Kake ayek kuat de Acer. Yen ade wɛ̈ɛ̈t kaŋuan: Yimena, Yiciba, Yicibi, Beriya, ku nyan tök Thera.

³¹ Beriya ade wɛ̈ɛ̈t kaarou: Ɣeber, ku Malciel, (Malciel ee yen ë ɣap pänydït de Birdhiath.)

³² Ɣeber ade wɛ̈ɛ̈t kadiäk: Japalet, Comer, ku Ɣotham ku nyan tök Cuwa.

³³ Japalet aya ade wɛ̈ɛ̈t kadiäk: Pathak, Bimal, ku Acibath. Kake kek ë wɛ̈ɛ̈t ke Japalet.

³⁴ Mänhë Cemer ade wɛ̈ɛ̈t kadiäk: Roga, Jeɣuba, ku Aram.

³⁵ Ku Ɣotham mänhë ade wɛ̈ɛ̈t kaŋuan: Dhopa, ku Yimna, ku Celec, ku Amal.

³⁶ Kuat de Dhopa ee Thua, Ɣameper, ku Cual, ku Beri, ku Yimra,

³⁷ ku Bedher, ku Ɣod, ku Camma, ku Gileca, ku Yitheran, ku Beera.

³⁸ Kuat de Jether ee Jepuna, ku Pithpa, ku Ara.

³⁹ Kuat de Yula ee Ara, ku Ɣaniel, ku Ridhia,

⁴⁰ Kake kedhie ayek kuat de Acer. Kek ee bäny ke ɣöötken thook, ku kek ade kɛk ku lëukï röt në riɛl. Kuat de Acer ade yic aguum kathiërrou ku dhetem (26,000) de röör duëër tɔŋ lëu.