1 Lëk 6 - JAM DE NHIALIC 2011

Kuat de Bäny Tueŋ ke kake Nhialic

¹ Lebi ade wɛ̈ɛ̈t kadiäk, Gercon, ku Koɣath, ku Merari.

² Koɣath ade wɛ̈ɛ̈t kaŋuan, Amiram, Yidhar, Ɣebron, ku Yudhiɛl.

³ Amiram ade wɛ̈ɛ̈t kaarou, Mothe ku Aron, ku nyan tök Mariam. Aron ade wɛ̈ɛ̈t kaŋuan, Nadap, Abiɣu, Eleyadhar, ku Yithamar.

⁴ Kuat de wɛ̈ɛ̈t ke Eleyadhar ë rɛm thook ëbɛ̈n ee, Pineɣath, Abicua,

⁵ Buki, Yudhi,

⁶ Dheraɣia, Merayoth,

⁷ Amaria, Aɣitup,

⁸ Dhadok, Aɣimaadh

⁹ Adharia, Joɣanan,

¹⁰ Adharia (ee yen ë ye luui ke ye bɛ̈ny de kake Nhialic ë Luaŋdïït wään bï ë melik Tholomon yïk ë Jeruthalem).

¹¹ Adharia aaye wun Amaria, Amaria de Aɣitup,

¹² Dhadok, Calum,

¹³ Ɣilikia, Adharia,

¹⁴ Theraya, Jeɣodhadak,

¹⁵ Go melik Nebukadnedhar Jeɣodhadak jɔt kekë kɔc kɔ̈k ke Juda, ku kɔc ke Jeruthalem, wään bïï Bɛ̈nydït keek tɔ pec.

Käu de Lebai Kɔ̈k

¹⁶ Lebi ade wɛ̈ɛ̈t kadiäk, Gercon, Koɣath ku Merari.

¹⁷ Ku kakë ayek rin ke wɛ̈ɛ̈t ke Gercon: Libni ku Cimei.

¹⁸ Koɣath ade wɛ̈ɛ̈t kaŋuan, Amiram, Yidhar, Ɣebron ku Yudhiɛl.

¹⁹ Ku Merari ade wɛ̈ɛ̈t kaarou, Maɣali, ku Muci.

²⁰ Kakë ee kuat de Gercon ë rɛm thook kedhie. Libni, Jaɣath, Dhima,

²¹ Jowa, Yido, Dhera, Jiitherai.

²² Kakë ee kuat de Koɣath ë rɛm thook kedhie, Aminadab, Kɔra, Athir.

²³ Elekana, Ebiathap, Athir,

²⁴ Taɣath, Yuriel, Yudhia, Caul.

²⁵ Elekana ade wɛ̈ɛ̈t kaarou, Amathai, ku Aɣimoth.

²⁶ Kakë ayek kuat de Aɣimoth ë rɛm thook kedhie, Elekana, Dhopai, ku Naɣath,

²⁷ ku Eliap, ku Jeroɣam, ku Elekana,

²⁸ Thamwɛl ade wɛ̈ɛ̈t kaarou, Jowɛl wën kɛ̈ide ku Abija wën koor.

²⁹ Kakë ayek kuat de Merari, Maɣali, ku Libni, ku Cimei, ku Yudha.

³⁰ Cimei, Ɣagia, ku Athaya.

Kɔc ee Thom ku Lɔ̈r gut Luaŋdït

³¹ Kɔckë acïï melik Debid ke kuany bïk lɔ̈r, ku thoom ku kɛŋ aa gut ë Luaŋdïtic të lɛ̈m ë kɔc ë Jeruthalem, wään cï Athänduŋ de mät lɛɛr ëtɛ̈ɛ̈n.

³² Keek aa ke ye aköölkɛn ke luɔi wɛ̈ɛ̈r në paany de mätic, të ɣɔn kën ë melik Tholomon Luaŋdït yïk.

³³ Kuat de ɣön ɣɔn muk luɔi de Luaŋdït kï: Dhiën de Koɣath, ee Ɣeman, bɛ̈ny de kɔc ee diɛt ket tueŋ, ee wën de Jowɛl. Kuat de ɣönden ee thar ɣet ciëën ë Jakop: Ɣeman, Jowɛl, Thamwɛl,

³⁴ Elekana, Jeroɣam, Eliel, Towa.

³⁵ Dhup, Elekana, Maɣath, Amathai,

³⁶ Elekana, Jowɛl, Adharia, Dhepania,

³⁷ Taɣath, Athir, Ebiathap, Kɔra,

³⁸ Yidhar, Koɣath, Lebi ku Jakop.

³⁹ Athap ee bɛ̈ny de kut de rou ee diɛt ket. Kuat de ɣönden ee ɣet ciëën ë Lebi: Athap, Berekia, Cimea

⁴⁰ Maikɔl, Baathiya, Malikija,

⁴¹ Ethni, Dhera, Adaya,

⁴² Ethan, Dhima, Cimei,

⁴³ Jaɣath, Gercon, ku Lebi.

⁴⁴ Ethan de dhiën de Merari, yen aye bɛ̈ny ë kuut de diäk ee diɛt ket. Kuat de ɣönden ee ɣet ciëën ë Lebi: Ethan, ku Kici, ku Abdi, Maluc

⁴⁵ Ɣacabia, Amadhia, Ɣilikia,

⁴⁶ Amadhi, Bani, Cemer,

⁴⁷ Maɣali, Muci, Merari, Lebi,

⁴⁸ Ku kɔc ke Lebai kɔ̈k acïk keek bɛ̈n gäm luɔi däŋ de paany yen ɣön ë Nhialic.

Kuat de Aron

⁴⁹ Aron ke kuatde ayek miɔ̈c de wal ŋïr gam, ku yek miɔ̈c ye nyop ëbɛ̈n gam ë yïk nɔm. Ku ee kek cï gäm luɔi de kake läm tëɣeric aläl, ku bïk kɔc ke Yithriɛl teem gup cït man ë kë cï wɛ̈ɛ̈t ë Mothe, awun de Bɛ̈nydït.

⁵⁰ Kënë ee kuat de Aron: Eleyadhar, Pineɣath, Abicua,

⁵¹ Buki, Yudhi, Dheraɣia,

⁵² Merayoth Amaria, Aɣitup,

⁵³ Dhadok, ku Aɣimaadh.

Të Ceŋ ë Kɔc ke Lebai

⁵⁴ Kënë ee piny cï gäm kuat de Aron, dhiën de Koɣath. Keek acïk tëdɛn tueŋ nööm, piny cï gäm kɔc ke Lebai.

⁵⁵ Ku mɛ̈të keek Ɣebron piny de Juda, ku të ye ɣɔ̈k nyuäth thiääk ke keek.

⁵⁶ Ku duum ke pänydït ku bɛ̈ike acï ke gäm Kalep wën de Jepuna.

^57-59 Ku acïk wɛ̈ɛ̈t ke Aron gäm pɛ̈ɛ̈nydït ke thiaan Ɣebron, ku Libna kekë ɣäänkɛn ke nyuäth, ku Jatir, ku Ecetemowa kekë ɣäänkɛn ke nyuäth. Ku Ɣilen kekë ɣäänkɛn ke nyuäth, ku Debir kekë ɣäänkɛn ke nyuäth. Ku Acan kekë ɣäänkɛn ke nyuäth, ku Beth Cemec kekë ɣäänkɛn ke nyuäth.

⁶⁰ Ku tëde dhiën de Benjamin acï keek gäm Geba kekë ɣäänkɛn ke nyuäth, ku Alemeth kekë ɣäänkɛn ke nyuäth, ku Anathoth kekë ɣäänkɛn ke nyuäth. Ku pɛ̈ɛ̈nydïtken ke ɣöötken kedhie ayek thiëër ku diäk.

⁶¹ Pɛ̈ɛ̈nydït kathiëër nu piny de Manatha tɔ̈u të lɔ aköl athɛ̈i, acï ke gäm baai de Koɣath në bɛ̈iken thook ëbɛ̈n, ë deeny de gɛk.

⁶² Dhiën de Gercon ë ɣöötken, acï ke gäm pɛ̈ɛ̈nydït kathiëër ku diäk piny de dhiëën ke Yithakar, ku Acer, ku Naptali, ku Manatha të lɔ aköl miäk në Bacan.

⁶³ Ku pɛ̈ɛ̈nydït kathiëër ku rou piny de dhiëën ke Ruben, ku Gad, ku Dhebulun acï ke bɛ̈n gäm dhiën baai de Merari, në ɣöötken thook, në kueer ye Yithriɛl pinyden tek.

⁶⁴ Yen acï kɔc ke Yithriɛl wuöt bɛ̈n gäm dhiën de Lebai bï kek rëër thïn, ë tök në wuöt ke nyuäth nu ë ke lɔ̈m, në ee kueerë.

⁶⁵ Wuöt tɔ̈u piny de Juda, Thimion ku Benjamin, wuöt wën cï ke lueel, aake tek keek ë deeny ë gɛk.

⁶⁶ Ɣööt kɔ̈k ke dhiën de Koɣath acï keek bɛ̈n gäm wuöt ku ɣään ke nyuäth piny de Eparaim.

⁶⁷ Acï ke gäm pɛ̈ɛ̈nydït ke thiaan, Cekem nu piny ë kuur de Eparaim yic, ku Gedher,

⁶⁸ Jokmiim kekë ɣäänkɛn ke nyuäth, ku Bethɣaron kekë ɣäänkɛn ke nyuäth.

⁶⁹ Aijalon kekë ɣäänkɛn ke nyuäth, ku Gath Rimon kekë ɣäänkɛn ke nyuäth.

⁷⁰ Ku tëde biäk de Manatha nu të lɔ aköl athɛ̈i, acï keek bɛ̈n gäm wuöt ke yï Aner, ku Biliim kekë ɣäänkɛn ke nyuäth, ku kɔc kɔ̈k ke dhiën de Koɣath.

⁷¹ Ɣööt ke dhiën de Gercon acï keek bɛ̈n miɔɔc në ɣäänkɛn ke nyuäth thiääk ë keek. Piny de dhiën Manatha tɔ̈u të lɔ aköl amiäk acï ke gäm Golan në Bacan, ku Acetaroth kekë ɣäänkɛn ke nyuäth.

⁷² Piny de Yithakar: ee Kedec, ku Daberath,

⁷³ Ramoth, ku Anem kekë ɣäänkɛn ke nyuäth.

⁷⁴ Piny de Acer: ee Macal, ku Abadon

⁷⁵ Ɣukok, ku Reɣop kekë ɣäänkɛn ke nyuäth.

⁷⁶ Piny de Naptali: ee Kedec në Galili, ku Ɣamon, ku Kiriathaim kekë ɣäänkɛn ke nyuäth.

⁷⁷ Ku ɣööt kɔ̈k ke dhiën de Merari cï döŋ, acï keek bɛ̈n gäm wuötkë në ɣäänkɛn ke nyuäth thiääk në keek. Piny de Dhebulun: ee Rimono, ku Tabor.

⁷⁸ Piny de Ruben të lɔ aköl amiäk de wɛ̈ɛ̈r de Jordan në Jeriko kɔ̈u ciëën, ee Bedher nu në riaaŋ nɔm, ku Jadha,

⁷⁹ Kedemoth ku Mepaath.

⁸⁰ Piny de Gad, ee Ramoth në Giliyad, ku Maɣanayim,

⁸¹ Ɣecbon ku Jadher.