1 Lëk 4 - JAM DE NHIALIC 2011

Käu de Juda

¹ Kakë ayek kuat de wɛ̈ɛ̈t kɔ̈k ke Juda yï, Peredh, ku Ɣedheron, ku Karemi, ku Ɣur, ku Cobal.

² Cobal acï Riiya bɛ̈n dhiëëth, ku lɔ Riiya Jaɣath dhiëëth, ku dhiëth Jaɣath Aɣumai ku Laɣad, kuɛɛrë kɔc rɛ̈ɛ̈r ë Dhorath.

³ Kakë ayek wɛ̈ɛ̈t ke Etam, Jedhreel, ku Yicima, ku Yidibac, ku rin ke nyankënëden ee Ɣadheleponi.

⁴ Ku Penwɛl ee wun Gedor, ku Edher ee wun Ɣuca. Kakë ayek wɛ̈ɛ̈t ke Ɣur wën kɛ̈i de Eparath, wun Betheleɣem.

⁵ Acuur wun Tekowa, ade nɔm diäär kaarou, Ɣela ku Naara.

⁶ Naara acï yï Aɣudham, Ɣeper, Temeni, ku Ɣactari bɛ̈n dhiëëth.

⁷ Acuur kekë tiiŋde Ɣela acïk wɛ̈ɛ̈t kadiäk dhiëëth, Dhereth, Yidhar, Ethanan.

⁸ Kodh yen aye wun Anub, ku Dhobeba kek e kuarken ë dhiën ke yï Aɣaraɣel wën de Ɣarum.

⁹ Aa de raan cɔl Jabedh, ee raan ye riëëu guöp arëët dhiënden. Go ë man cäk an, Jabedh, lueel an, dhiëëth në arɛɛmdït.

¹⁰ Go Jabedh Nhialic de Yithriɛl lɔ̈ŋ an, “Thieei ɛn Nhialic, ku miɔc ɛn ë piny lääu, ku bä tɔ̈u wek ë yɛn, ago yɛn aa gël ë karɛc bï ya tɔ yök arɛɛm.” Go Nhialic yen gäm këdɛn cï thiëëc ë lɔ̈ŋde yic.

Kuën de Ɣöötkɛn Kɔ̈k

¹¹ Kelup Mänhë Cuwa, ade wënde, Meɣir. Ku Meɣir ee wun Eceton,

¹² Ku Eceton ade wɛ̈ɛ̈t kadiäk: Bethrapa, Pathia, ku Teɣina. Na ɣɔn ke Teɣina ë lɔ wun cɔl Naɣac ɣap. Kuat de kɔckë atɔ̈ukï ë Reka.

¹³ Kenadh ade wɛ̈ɛ̈t kaarou: Othaniɛl ku Theraya. Othaniɛl aya ade wɛ̈ɛ̈t kaarou: Ɣathath, ku Minothai,

¹⁴ Minothai ee yen ee wun Opera. Theraya ee wun Jowap, raan ë gɔl Wak de Atëët, të wään ye kɔc ee ŋiëc yïk ceŋ thïn.

¹⁵ Kalep wënde Jepuna, ade wɛ̈ɛ̈t kadiäk, Yiru, Ela, ku Naam. Ku Ela ee wun Kenadh.

¹⁶ Jeɣalelel ade wɛ̈ɛ̈t kaŋuan, Dhip, ku Dhipa, ku Tiria, ku Atharel.

¹⁷ Edhra ade wɛ̈ɛ̈t kaŋuan yï Jether, ku Mered, ku Eper, ku Jalon. Kakë ayek wɛ̈ɛ̈t ke Bithia nyan de melik de Rip, wään cï ë Mered bɛ̈n thiaak. Gokï wɛ̈ɛ̈tken kaarou dhiëëth yï Camai kekë Yicba wun Ecetemowa, ku ade nyan cɔl Miriam.

¹⁸ Ku tiiŋdɛn ë Judai acï ye dhiëth Jered wun Gedor, ku Ɣeber wun Thoko, ku Jekuthiel wun Dhanowa.

¹⁹ Ɣodia acï nyankënë Naɣam bɛ̈n thiaak, kuatden yen acï dhiën de Garam bɛ̈n keer, wään rɛ̈ɛ̈r ë Keila, ku dhiën de Maacath de wun ë Ecetemowa.

²⁰ Cimon ade wɛ̈ɛ̈t kaŋuan, Amnon ku Rina, ku Benɣanan, ku Tilon. Ku Yici de wɛ̈ɛ̈t kaarou, Dhoɣeth ku Bendhoɣeth.

Käu de Cela

²¹ Cela aaye wën tök në wɛ̈ɛ̈t ke Juda yiic. Kuatde ee yï Er, ɣɔn yïk wun cɔl Leka, ku yïk Laada, ku yïk Mareca, wun de kɔc ee lupɔɔ ke linɔn cuëëcë, kɔc wään rɛ̈ɛ̈r ë Beth Acebea.

²² Jokim ku kɔc ɣɔn rɛ̈ɛ̈r ë Kodheba, ku Jowac, ku Tharapa, ɣɔn cï nyan de kɔc ke Mowap thiaak, ku jɔkï lɔ rëër ë Betheleɣem.

²³ Aake ye töny ke melik cuɛ̈ɛ̈c, ku ayek ceŋ ë Netaim ku Gedera, aake rɛ̈ɛ̈r ëtɛ̈ɛ̈n në melik në biäk de luɔide.

Käu de Thimion

²⁴ Thimion ade wɛ̈ɛ̈t kadhïc, Nemwɛl, Jamin, Jarip, ku Dhira, ku Caul.

²⁵ Wënde Caul acɔl Calum, wën de wënde acɔl Miptham, ku wën de wën ë wënde acɔl Micma.

²⁶ Ku në Micma, kuat acï jɔ bɛ̈n ɣet në kueer de Ɣamwɛl, ku Dhakur ku Cimei.

²⁷ Cimei ade wɛ̈ɛ̈t kathiëër ku dhetem, ku duet kadhetem, ku kɔc raan në yen adekï mïth lik, ku dhiën de Thimion akën kuet cï dhiën de Juda.

²⁸ Abï ɣëët akööl wään ke melik Debid, kuat de Thimion aa rɛ̈ɛ̈r në wuöt ke: Biirceba, Molada ku Ɣadharcual.

²⁹ Bila, Edhem, Tolad,

³⁰ Bethwɛl, Ɣorma, ku Dhiklak.

³¹ Beth Markaboth, Ɣadhathuim, Bethbiri, ku Caaraim.

³² Ku aake rɛ̈ɛ̈r aya ë bɛ̈i kɔ̈k kadhïc yiic, yï Etam, ku Ayin, ku Rimon, ku Token, ku Acan.

³³ Ku në bɛ̈iken yiic ëbɛ̈n, bɛ̈i thiääk në pɛ̈ɛ̈nydït nu të lɔ aköl athɛ̈i ɣeet Baalath. Kakë ayek kakɛn cï gäär piny në biäk ë ɣään ceŋkï keek ku dhiënken.

^34-38 Mecobab, ku Gamlek, ku Joca wën de Amadhia, ku Jowɛl, ku Jeɣu, wën de Jocibia, wën de Theraya, wën de Athiel. Eliyonai, ku Jakoba, ku Jecoɣai, ku Athaya, ku Adiɛl, ku Jethimiel, ku Benaya. Dhidha wën de Cipi, wën de Alon, wën de Jedaya, wën de Cimiri, wën de Cemaya. Kek kɔc cï gɔ̈ɔ̈r rin eenë ayek wɛ̈ɛ̈t meliik në ɣöötken thook, ku dhiën ke wärken acïk röt bɛ̈n ŋuak aläl.

³⁹ Acïk bɛ̈n jäl ke ke lɔ Jiraar, të lɔ biäk të lɔ aköl amiäk de wak, ke ke kɔɔr të bïï ë ɣɔ̈kken nyuäth.

⁴⁰ Gokï pinydïït kueth yök, të piɛth ke ɣɔ̈k cɔl Jiraar, ku piny adït aläl, ku alɔ lik, ku ade mät, ku kɔc ë kɔn ëtɛ̈ɛ̈n ceŋ ee kɔc ke dhiën de Ɣäm.

⁴¹ Në akööl ke melik ke Ɣedhekia melik de Juda, kek ee kɔc cï gɔ̈ɔ̈r rin tueŋë acïk lɔ Jiraar ku riäkkï pɛɛny ku ɣööt ke kɔc rɛ̈ɛ̈r ëtɛ̈ɛ̈n. Ku Copkï kɔc ke wut, ku nömkï wut, ku ɣɛpkï ëtɛ̈ɛ̈n ke ye paandɛn ku cïkkï be jäl thïn, në biäk cïï kek yen yök ke ee të duëër ë thökken aa nyuäth thïn.

⁴² Go bot kadhïc kɔ̈k de dhiën ë Thimion lɔ Edom të lɔ aköl amiäk. Aake wat keek në wɛ̈ɛ̈t ke Yici yï, Pelatia, ku Niiria, ku Repaya, ku Yudhiɛl.

⁴³ Ëtɛ̈ɛ̈n acïk kɔc ke Amalek wään cï ban bɛ̈n nɔ̈k, ku jɔkï rɛ̈ɛ̈r ëtɛ̈ɛ̈n aɣet cï ënɔɔnë.