1 Lëk 3 - JAM DE NHIALIC 2011

Mïth ke Melik Debid

^1-3 Kakë ayek wɛ̈ɛ̈t ke Debid wään bï keek dhiëëth në Ɣebron, wën kɛ̈ide ee Amnon, në tiiŋdɛn cɔl Aɣinowam nyan wun de Jedhreel, ku wën de rou ee Danyel në tiiŋdɛn cɔl Abigail nyan wun de Karmel, Ku wën de diäk ee Abthalom, wën de tiiŋdɛn cɔl Maaka, nyan de Talmai, melik de Gecur. Ku wën de ŋuan ee Adonija wën de tiiŋdɛn cɔl Ɣagith. Ku wën de dhïc ee Cepatia wën de tiiŋdɛn cɔl Abital, ku wën de dhetem ee Yitheriim, wën de tiiŋdɛn cɔl Egla.

⁴ Kedhie kadhetem aake dhiëth keek ë Ɣebron, të wään muk en bääny në run kadhorou ku pɛ̈i kadhetem ëtɛ̈ɛ̈n. Ku Debid aa muk bääny ke rɛ̈ɛ̈r ë Jeruthalem në run kathiërdiäk ku diäk ke ye melik.

⁵ Ku mïth ë dhiëëth ke rɛ̈ɛ̈r ë Jeruthalem ee Cimea, ku Cobab, ku Nathan, ku Tholomon, ŋuan aake dhiëëth ë Bathceba, nyan de Amiel.

⁶ Ku ade nɔm wɛ̈ɛ̈t kɔ̈k kadhoŋuan, Yibiɣar, Elicua, Elipelet,

⁷ Noga, Nepek, Japia,

⁸ Elicama, Eliada ku Elipelet

⁹ Ku Debid aa de nɔm wɛ̈ɛ̈t kɔ̈k në diäär määth ë yen aya. Ku ade nɔm nyan cɔl Tamar.

Käu de Melik Tholomon

¹⁰ Kënë ee kuat de melik Tholomon gɔl ë wun ke wënde: Tholomon, Abija, Atha, Jeɣocapat,

¹¹ Jeɣoram, Aɣadhia, Jowac,

¹² Amadhia, Yudhia, Jotham.

¹³ Aɣadh, Ɣedhekia, Manatha.

¹⁴ Amon, ku Jothia,

¹⁵ ku Jothia ade wɛ̈ɛ̈t kaŋuan, Joɣanan yen ee kɛ̈i, ku lɔ Jeɣoyakim, ku Dhedekia, ku Jowaɣadh.

¹⁶ Jeɣoyakim ade wɛ̈ɛ̈t kaarou, Jekonia ku Dhedekia.

Kuat de Melik Jekonia

¹⁷ Kake ee kuat de melik Jekonia ɣɔn cï peec ë kɔc ke Babilon, acï wɛ̈ɛ̈tke dhiëëth kadhorou, Caltiɛl,

¹⁸ Malkiram, ku Pedaya, ku Cenadhar, Jekamia, Ɣocama, ku Nedabia.

¹⁹ Pedaya ade nɔm wɛ̈ɛ̈t kaarou Dherubabel ku Cimei. Ku wɛ̈ɛ̈t ke Dherubabel ee Meculam ku Ɣanania, ku Celomith ee nyankënëden.

²⁰ Ɣacuba ade wɛ̈ɛ̈t kɔ̈k kadhïc yï, Oɣel, Berekia, Ɣadhadia, ku Jucab Ɣethed.

²¹ Ɣanania ade wɛ̈ɛ̈tke kaarou, Pelatia, ku Jecaya, ku Jecaya ee wun Repaya, ku Repaya ee wun Arnan, ku Arnan ee wun Obadaya, ku ye Obadaya wun Cekania.

²² Cekania ade wën tök Cemaya, ku mïth ke wënde kadhïc, Ɣatuc, ku Yigal, ku Baria, ku Niiria, ku Capat.

²³ Niiria ade wɛ̈ɛ̈tke kadiäk, Eliyonai, ku Ɣidhikia, ku Adhirkam.

²⁴ Eliyonai ade wɛ̈ɛ̈t ke kadhorou: Ɣodabia, Eliacip, Pelaya, Akub, Jɔnathan, Delaya, ku Anani.