1 Lëk 27 - JAM DE NHIALIC 2011

Guiɛɛr de Baai kekë Rem de Tɔŋ

¹ Kakë ee rin ke bäny ke ɣööt ke Yithriɛl, ku bäny ke dhiën, ku jɔ aa bäny ke ciɛɛŋ de baai, ayï bäny ke luɔi de kake ciɛɛŋ. Në pɛɛi tökic ë ruöön thok ëbɛ̈n kuut kith yiic de aguum kathiërrou ku ŋuan 24,000 de rem de tɔŋ ayek tɔ̈u ë luɔi yic, në bɛ̈nyden cök, bɛ̈ny lui ee pɛɛiyë yic.

^2-15 Kakë ee bäny ke rem de tɔŋ ee lui në pɛ̈i yiic: Pɛɛi tueŋ: ee Jacobiim wën de Dhabedil ee raan de biäk tueŋ, ku biäkde ade yic aguum kathiërrou ku ŋuan 24,000. Ee raan dhiën de Peredh, ku yen ee bɛ̈ny tueŋ de rem de tɔŋ nu ë bäny ke tɔŋ nïïm kedhie. Pɛɛi de rou: ee Dodai raan de kɔc Aɣoya, ku Mikiloth bɛ̈ny de rem, aaye bɛ̈ny lɔ në yecök, ku biäkde ade yic aguum kathiërrou ku ŋuan 24,000. Pɛɛi de diäk: ee Benaya wën de Jeɣoyada bɛ̈ny de kake Nhialic, aaye bɛ̈ny de rem, biäkde ade yic aguum kathiërrou ku ŋuan 24,000. Ku Benaya aa ye raan töŋ ril de thiërdiäk, ku aaye bɛ̈ny de thiërdiäk, ku Amidhabad wënde aaye bɛ̈ny de biäkde. Pɛɛi de ŋuan: ee Athaɣel mänhë ee Jowap, yen aye ŋuanden, ku wënde Dhebadia alɔ në yecök, ku biäkde ade yic aguum kathiërrou ku ŋuan 24,000. Pɛɛi de dhïc: ee Camuth, raan de Yidhar, ku biäkde ade yic aguum kathiërrou ku ŋuan 24,000. Pɛɛi de dhetem: ee Yira wën de Yikec, raan de Tekowa, ku biäkde ade yic aguum kathiërrou ku ŋuan 24,000. Pɛɛi de dhorou: ee Ɣeledh raan de Eparaim në Pelon, ee bɛ̈ny de dhorou, ku biäkde ade yic aguum kathiërrou ku ŋuan 24,000. Pɛɛi de bɛ̈t, ee Thibekai raan de Ɣuca, ee raan wun de Dhera, ee bɛ̈ny de bɛ̈t, ku biäkde ade yic aguum kathiërrou ku ŋuan 24,000. Pɛɛi de dhoŋuan: ee Abiedher raan de Anathoth, ee raan wun de Benjamin, ee bɛ̈ny de dhoŋuan, ku biäkde ade yic aguum kathiërrou ku ŋuan 24,000. Pɛɛi de thiëër: ee Maɣarai, raan de Netopa, ee raan wun ë Dhera, ee bɛ̈ny de thiëër, ku biäkde ade yic aguum kathiërrou ku ŋuan 24,000. Pɛɛi de thiëër ku tök: ee Benaya raan de Pirathon, wën de wɛ̈ɛ̈t ke Eparaim, ee bɛ̈ny de thiëër ku tök, ku biäkde ade yic aguum kathiërrou ku ŋuan 24,000. Pɛɛi de thiëër ku rou: ee Ɣeledai raan de Netopa, (raan dhiën ë Othaniɛl), ee bɛ̈ny de thiëër ku rou, ku biäkde ade yic aguum kathiërrou ku ŋuan 24,000.

Ciɛɛŋ de Dhiëën ke Yithriɛl

^16-22 Kakë ee kɔc cï ke kuany ke ke ye bäny ke dhiëën ke Yithriɛl: Dhiën Bɛ̈ny Ruben Eliedher wën ë Dhikiri Thimion Cepatia wën ë Maaka Lebi Ɣacabia wën ë Kemiɛl Aron Dhadok Juda Eliɣu ee Mänhë ë Debid Yithakar Omri wën ë Maikɔl Dhebulun Yicmaiya wën ë Obadaya Naptali Jeremoth wën ë Adheriɛl. Eparaim Ɣocia wën ë Adhadhia Manatha nu Aköl Athɛ̈i Jowɛl wën ë Pedaya Manatha nu Aköl amiäk Yido wën ë Dhekaria Benjamin Jaathiel wën ë Abener Dan Adharel wën de Jeroɣam

Dhiën Bɛ̈ny

²³ Melik Debid akën kɔc gɔ̈ɔ̈r, kɔc ŋoot ë runken ke ke kën run kathiërrou cuööp, në biäk cïï Bɛ̈nydït gutguut lueel, an bïï kɔc ke Yithriɛl tɔ juëc, abïk ciët kuɛl nhial.

²⁴ Go Jowap wën de tiiŋ cɔl Dheruia kɔc gɔl në kuɛ̈n, ku akën kuɛ̈n bɛ̈n thöl. Në luɔi cï ë Nhialic Yithriɛl luöi këtuc në biäk de kuɛ̈n ë kɔc, ka kuën de kɔc akënë bɛ̈n lɔ në awerek de melik Debid yic.

Bäny ke Kake Melik

^25-31 Kakë ee kɔc nu në wëu ke baai de melik nɔm: Raan nu në wëu ke melik nɔm ee Adhimabeth wën de Adiɛl, ku raan nu në wëu ke ciɛɛŋ nɔm, wëu ke pɛ̈ɛ̈nydït, ku wëu ke bɛ̈i, ku ɣöötdït bär, ee Jɔnathan wën de Yudhia. Ku raan nu në kɔc ee dom baai de melik puur nïïm ee Edhri wën de Kelup. Ku raan nu në kɔc ee dom de enap puur nïïm ee Cimei raan de Ramath, ku raan nu në ka ye looi në enap nïïm ku raan nu në kɔc ee mɔ̈u ɣaac nïïm ee Dhabedi raan de Cepam. Ku raan nu në kɔc ee dom de olip ku dom de ŋaap puur nïïm, në Cepela ee Baal Ɣanan raan de Geder, ku raan nu në ɣööt ye ke ke miök tɔ̈ɔ̈u thïn nïïm ee Jowac. Ku raan nu në kɔc ee ɣɔ̈k tiit ë Caron nïïm ee Caterai raan de Caron, ku raan nu në kɔc ee ɣɔ̈k tiit nïïm në wɛ̈k yiic ee Capat wën de Adlai. Ku raan nu në kɔc ee thɔ̈rɔ̈ɔ̈l tiit nïïm ee Obil raan de Yicmiɛl, ku raan nu në kɔc ee mul tiit nïïm ee Jeɣedia raan de Meronoth, ku raan nu në kɔc ee thök tiit nïïm ee Jadhidh raan de Ɣagariit. Kɔckë kedhie ayek kɔc ee kake melik Debid looi.

Kɔc ee Debid Jääm

³² Jɔnathan wulënë melik Debid aaye raan Pelnɔm, ee yen ee melik riit piɔ̈u, aaye raan cï piööc arëët ku ŋic käŋ, yen ku Jeɣel wën de Ɣakimon, ee kek ë cï tääu ke ke ye bäny ee wɛ̈ɛ̈t ke melik piööc.

³³ Aɣithopel yen ee melik riit piɔ̈u, ku të bï yen ke luɔi thïn, raan cɔl Ɣucai raan de Arkit ee ɣööt yïk, aa määth ke melik, ku ye melik jääm ë kapiɛth ë biäk de luɔi.

³⁴ Na ɣɔn cï Aɣithopel thou, go Abiathar ku Jeɣoyada wën de Benaya lɔ̈ɔ̈k aa kɔc ee melik jääm. Jowap yen aye bɛ̈ny ë rem de tɔŋ de melik.