1 Lëk 25 - JAM DE NHIALIC 2011

Kɔc ee Diɛt Ket Luaŋdït

¹ Go melik Debid ku bäny ke Lebai, gokï Lebaikë kuany, bïk läm aa wat yï Athap, ku Ɣeman, ku Jeduthun. Abïk jam de Nhialic aa wɛ̈ɛ̈t, ke ke kuany diɛt cök në thom ku aruöör. Kakë ayek rin ke kɔc cï kuany bïk läm aa wat, cït man ye kuut luɔide looi.

² Wɛ̈ɛ̈t ke Athap kaŋuan: Dhakur, ku Jothep, ku Nethania, ku Acarela. Aake tɔ̈u në Athap cök, raan ee cɔ̈ɔ̈r në kë cï melik lɛ̈k en.

³ Wɛ̈ɛ̈t ke Jeduthun kadhetem: Gedalia, Dheri, Jecaya, Cimei, Ɣacabia ku Matithia. Aake tɔ̈u në wuönden cök ayek cɔ̈ɔ̈r ke ke kët në thom, ku yek Bɛ̈nydït leec ku lëkkï thieithieei në kiët ë diɛt.

⁴ Ɣeman ade wɛ̈ɛ̈t kathiëër ku ŋuan: Bukia, Yudhiɛl, Matania, Cebwɛl ku Jerimoth. Ɣanania, Ɣanani, Eliatha, Gidalti, ku Romamtidher. Jocobekaca, Malothi, Ɣothir ku Maɣadhioth

⁵ Nhialic aacï ee wɛ̈ɛ̈tkë kathiëër ku ŋuan ku duet kadiäk gäm Ɣeman, monydaai de melik, cït man cï yen gutguut lueel, në biäk bï yen Ɣeman gäm riɛl.

⁶ Wɛ̈ɛ̈tke kedhie ayek gut ë thoom, ku kothkï aruöör, aake tɔ̈u ë wuönden cök, bïk aa cath në kɔc ee lɔ lam ɣön ë Nhialic. Ku Athap, ku Jeduthun, ku Ɣeman ayek cath ë lööŋ ke melik.

⁷ Kek ee kɔckë kathiërrou ku ŋuan, ku lɔ mïthëkɔcken kɔc ke Lebai, aake ye kïït cï wɛ̈ɛ̈t ë gun ë thoom. Ku kuëndɛn ëbɛ̈n ee bot kaarou ku thiërbɛ̈t ku bɛ̈t 288.

⁸ Në biäk bïï kek luɔiden ŋic, aake ye luɔi tek në deeny de gɛk, na yek röördït, ku na yek dhuök, na yek kɔcpiööcë ku na yek atëët, raan ëbɛ̈n.

⁹ Go gaak tueŋ lööny kekë Jothep raan dhiën de Athap, ku lööny gaak de rou kekë Gedalia, yen kekë mïthëkɔcken ku wɛ̈ɛ̈tke, ayek thiëër ku rou.

¹⁰ Ku lööny diäk kekë Dhakur, ku wɛ̈ɛ̈tke ku mïthëkɔcken, ayek thiëër ku rou.

¹¹ Ku lööny ŋuan kekë Yidheri, ku wɛ̈ɛ̈tke ku mïthëkɔcken, ayek thiëër ku rou.

¹² Ku lööny dhïc kekë Nethania, ku wɛ̈ɛ̈tke ku mïthëkɔcken, ayek thiëër ku rou.

¹³ Ku lööny dhetem kekë Bukia, ku wɛ̈ɛ̈tke ku mïthëkɔcken, ayek thiëër ku rou.

¹⁴ Ku lööny dhorou kekë Jecarela, ku wɛ̈ɛ̈tke ku mïthëkɔcken, ayek thiëër ku rou.

¹⁵ Ku lööny bɛ̈t kekë Jecaya, ku wɛ̈ɛ̈tke, ku mïthëkɔcken, ayek thiëër ku rou.

¹⁶ Ku lööny dhoŋuan kekë Matania, ku wɛ̈ɛ̈tke ku mïthëkɔcken, ayek thiëër ku rou.

¹⁷ Ku lööny thiëër kekë Cimei, ku wɛ̈ɛ̈tke ku mïthëkɔcken, ayek thiëër ku rou.

¹⁸ Ku lööny thiëër ku tök kekë Adharel, ku wɛ̈ɛ̈tke ku mïthëkɔcken, ayek thiëër ku rou.

¹⁹ Ku lööny thiëër ku rou kekë Ɣacabia, ku wɛ̈ɛ̈tke ku mïthëkɔcken, ayek thiëër ku rou.

²⁰ Ku lööny thiëër ku diäk kekë Cebwɛl, ku wɛ̈ɛ̈tke ku mïthëkɔcken, ayek thiëër ku rou.

²¹ Ku lööny thiëër ku ŋuan kekë Matithia, ku wɛ̈ɛ̈tke ku mïthëkɔcken, ayek thiëër ku rou.

²² Ku lööny thiëër ku dhïc kekë Jerimoth, ku wɛ̈ɛ̈tke ku mïthëkɔcken, ayek thiëër ku rou.

²³ Ku lööny thiëër ku dhetem kekë Ɣanania, ku wɛ̈ɛ̈tke ku mïthëkɔcken, ayek thiëër ku rou.

²⁴ Ku lööny thiëër ku dhorou kekë Jocobekaca, ku wɛ̈ɛ̈tke ku mïthëkɔcken, ayek thiëër ku rou.

²⁵ Ku lööny thiëër ku bɛ̈t kekë Ɣanani, ku wɛ̈ɛ̈tke ku mïthëkɔcken, ayek thiëër ku rou.

²⁶ Ku lööny thiëër ku dhoŋuan kekë Malothi, ku wɛ̈ɛ̈tke ku mïthëkɔcken, ayek thiëër ku rou.

²⁷ Ku lööny thiërrou kekë Eliatha, ku wɛ̈ɛ̈tke ku mïthëkɔcken, ayek thiëër ku rou.

²⁸ Ku lööny thiërrou ku tök kekë Ɣothir, ku wɛ̈ɛ̈tke ku mïthëkɔcken, ayek thiëër ku rou.

²⁹ Ku lööny thiërrou ku rou kekë Gidalti, ku wɛ̈ɛ̈tke ku mïthëkɔcken, ayek thiëër ku rou.

³⁰ Ku lööny thiërrou ku diäk kekë Maɣadhioth, ku wɛ̈ɛ̈tke ku mïthëkɔcken, ayek thiëër ku rou.

³¹ Ku lööny thiërrou ku ŋuan kekë Romamtidher, ku wɛ̈ɛ̈tke ku mïthëkɔcken, ayek thiëër ku rou.