1 Lëk 24 - JAM DE NHIALIC 2011

Luɔi cï Gäm Bäny ke kake Nhialic

¹ Kakë ee luɔi cï kuat de Aron ye yic tɛ̈ɛ̈k. Aron ade wɛ̈ɛ̈t kaŋuan: Nadap, Abiɣu, Eleyadhar, ku Yithamar.

² Ku Nadap ku Abiɣu acïk bɛ̈n thou ke wuönden ë ŋoot ke pïïr, ku acïnkï nïïm mïth cïk nyääŋ piny, go Eleyadhar ku Yithamar luui ke ke ye Bäny ke kake Nhialic.

³ Go melik Debid wɛ̈ɛ̈t ke Aron guiir në kuut cït man de täu de luɔiden. Ee Dhadok wën de Eleyadhar kekë Aɣimelek wën de Yithamar kek ë kony yen në ee luɔiyë yic.

⁴ Ku në biäk cïï ë röör juëc yök në wɛ̈ɛ̈t ke Eleyadhar yiic, wɛ̈ɛ̈t ke Eleyadhar acï ke bɛ̈n guiir në kuut kathiëër ku dhetem, ku guiir wɛ̈ɛ̈t ke Yithamar në kuut kabɛ̈t.

⁵ Ku në biäk de yen bäny juëc ke luɔi de tëɣeric tɔ̈u në mïth ke Eleyadhar ku mïth ke Yithamar yiic, kɔc acïk keek bɛ̈n gäm luɔi, në deeny de gɛk.

⁶ Käu de Eleyadhar ku käu de Yithamar, ayek deeny de gɛk wɛ̈ɛ̈r. Go keek gɔ̈ɔ̈r rin në Cemaya wën de Nethaniɛl, raan ee kake Lebai gɔ̈ɔ̈r. Ku melik, ku bänyke, ku Dhadok bäny de kake Nhialic, ku Aɣimelek wën de Abiathar, ku röördït nu ë bɛ̈i ke Lebai nïïm, aake nu thïn kedhie.

⁷ Go gaak tueŋ löny ke Jeɣoyarip, ku löny këde rou ke Jedaya

⁸ Ku löny këde diäk ke Ɣarim, ku löny këde ŋuan ke Theyorim

⁹ ku këde dhïc ke Malikija, ku këde dhetem ke Mijamin,

¹⁰ ku këde dhorou ke Ɣakoth, ku këde bɛ̈t ke Abija,

¹¹ ku këde dhoŋuan ke Jecua, ku këde thiëër ke Cekania,

¹² ku këde thiëër ku tök ke Eliacip, ku këde thiëër ku rou ke Jakim,

¹³ ku këde thiëër ku diäk ke Ɣupa, ku këde thiëër ku ŋuan ke Jecebiib,

¹⁴ ku këde thiëër ku dhïc ke Bilga, ku këde thiëër ku dhetem ke Yimer,

¹⁵ ku këde thiëër ku dhorou ke Ɣedhir, ku këde thiëër ku bɛ̈t ke Ɣapidhedh,

¹⁶ ku këde thiëër ku dhoŋuan ke Pethaya, ku këde thiërrou ke Jeɣedhekel,

¹⁷ ku këde thiërrou ku tök ke Jakin, ku këde thiërrou ku rou ke Gamul,

¹⁸ ku këde thiërrou ku diäk ke Delaya, ku këde thiërrou ku ŋuan ke Maadhia.

¹⁹ Kɔckë acï ke gɔ̈ɔ̈r cït man de täu de luɔi cï gäm keek, bï kek aa lɔ në Luaŋdïtic, ku bïk luɔi aa lɔ looi cït man de lööŋ cïï kuɛɛrëden Aron ke lueel thɛɛr, në riëëu de lööŋ ke Bɛ̈nydït Nhialic de Yithriɛl.

Kuɛ̈n de Lebai

²⁰ Kake ayek bäny ke ɣööt ke Lebai, Jeɣedia, kuat de Amiram agut cï Cebwɛl.

²¹ Yicia kuat de Reɣabia,

²² Jaɣath kuat de Yidhar agut cï Celomoth,

²³ Jeria, Amaria, Jaɣadhiel ku Jekamiim wɛ̈ɛ̈t ke Ɣebron, në kuëny ye run kecök kuany.

²⁴ Camir kuat de Yudhiɛl në Maika.

²⁵ Dhekaria kuat de Yudhiɛl agut cï Yicia, Mänhë Maika.

²⁶ Maɣali, Muci, ku Jaadhia kuat de Merari.

²⁷ Jaadhia ade wɛ̈ɛ̈t kadiäk: Coɣam, Dhakur ku Yibri.

²⁸ Maɣali ade wɛ̈ɛ̈t kaarou, Eleyadhar, ku Kic, ku Eleyadhar acïn nɔm mïthwät.

²⁹ Ku Kic ade wën tök, Jerameel.

³⁰ Muci ade wɛ̈ɛ̈t kadiäk: Maɣali, ku Eder ku Jeremoth. Kakë kek ayek ɣööt ke dhiën de Lebai.

³¹ Raandïït de baai, ku raan thiin de dhiënden, aake ye gɛk dɛɛny në biäk de luɔiden, cït man ye ë yen looi në kɔcken, bäny de kake Nhialic kuat de Aron. Ku melik Debid, ku Dhadok, ku Aɣimelek ku bäny ke ɣööt thook, ku bäny de kake Nhialic ku dhiën de Lebai aake nu thïn.