1 Lëk 2 - JAM DE NHIALIC 2011

Käu de Juda

¹ Yithriɛl ade wɛ̈ɛ̈tke kathiëër ku rou, Ruben, ku Thimion, ku Lebi, ku Juda, ku Yithakar, ku Dhebulun,

² ku Dan, ku Jothep, ku Benjamin, ku Naptali, ku Gad, ku Acer.

³ Juda ade wɛ̈ɛ̈tke kadhïc aake dhiëëth ë tiiŋdɛn cɔl Bathcua kedhie, nyan de piny de Kanaan, yen ade wɛ̈ɛ̈t ke kadiäk, ku Er, ku Onan, ku Cela. Er wën kɛ̈ide aaye mɛnh rac go Bɛ̈nydït yen bɛ̈n nɔ̈k.

⁴ Go Juda wɛ̈ɛ̈t kaarou dhiëëth, Peredh ku Dhera në Tamar tiiŋ ë wënde.

⁵ Peredh ade wɛ̈ɛ̈tke kaarou Ɣedheron, ku Ɣamul,

⁶ Mänhë Dhera ade wɛ̈ɛ̈tke kadhïc, Dhimri, Ethan, Ɣeman, Kalcol ku Darda.

⁷ Akkan wën de Karemi, raan töŋ de kuat de Dhera, ɣɔn cï riääk bɛ̈n yiɛ̈n kɔc ke Yithriɛl, në biäk cïï yen ka ɣɔn cï peec lɔ nööm, ka ɣɔn cï tɔ̈ɔ̈u pei ke ke ye kake Bɛ̈nydït.

⁸ Ethan ade wën tök, Adharia.

Dhiën de Debid

⁹ Ɣedheron ade wɛ̈ɛ̈tke kadiäk: Jerameel, Ram, ku Kalep.

¹⁰ Kuat ë baai de Ram ale guööt ë Jethe: Ram, Aminadab, Nacon (raan de naamde tëde dhiën ë Juda.)

¹¹ Thalma, Bowadh,

¹² Obed, ku Jethe.

¹³ Jethe ade wɛ̈ɛ̈tke kadhorou wën kɛ̈ide ee Eliap, ku jɔ luupke lɔ̈ɔ̈k lɔ ë yecök kadhetem yï Abinadap, Cama,

¹⁴ Nethaniɛl, Radai,

¹⁵ Odhem, ku Debid.

¹⁶ Ku yen aya aa de nɔm duet kaarou Dheruia, ku Abigail. Dheruia ade wɛ̈ɛ̈tke kadiäk, Abicai, ku Jowap, ku Athaɣel.

¹⁷ Ku Abigail acï bɛ̈n thiaak ë Jether raan de kuat de Yicmiɛl, gokï wëndɛn tök dhiëëth ku ciëkkï an Amatha.

Käu de Ɣedheron

¹⁸ Ɣedheron ade wëndɛn cɔl Kalep, acï nyan cɔl Adhuba bɛ̈n thiaak, gokï nyandɛn tök dhiëëth ku ciëkkï an, Jerioth, yen Jerioth acï wɛ̈ɛ̈tke bɛ̈n dhiëëth kadiäk Jecer, Cobab, ku Ardon.

¹⁹ Na ɣɔn aa cï Adhuba thou, go Kalep Eparath thiaak. Gokï wën cɔl Ɣur dhiëëth.

²⁰ Ku Ɣur ee wën de Yuri, ku wën de wën de acɔl Bedhalel.

²¹ Na ɣɔn aacï Ɣedheron dɛ run kathiërdhetem 60, go nyan de Makir thiaak, nyankënë ë Giliyad, gokï wën cɔl Thegup dhiëëth,

²² ku Thegup acï wën cɔl Jayir dhiëëth. Jayir acï bɛ̈n aa bɛ̈ny de pɛ̈ɛ̈nydït kathiërrou ku diäk piny de Giliyad.

²³ Ku melik de Gecur, kekë Aram acïk wuöt kathiërdhetem bɛ̈n peec ëtɛ̈ɛ̈n, ayï bɛ̈i thii ke Jayir yï Kenath, ku wuöt thiääk ë yen. Kɔc ë rɛ̈ɛ̈r ëtɛ̈ɛ̈n kedhie ayek kuat de Makir wun Giliyad.

²⁴ Na ɣɔn cï Ɣedheron thou, go wënde Kalep lɔ̈ɔ̈k lɔ ɣöt ke Eparath tiiŋ abaar de wun, gokï mɛwä lɔ̈ɔ̈k dhiëëth, ku ciëkï an, Acuur, ɣɔn ee yen cï Tekowa bɛ̈n lɔ ɣap.

Käu de Jerameel

²⁵ Jerameel wën kɛ̈i de Ɣedheron, ade wɛ̈ɛ̈tke kadhïc, Ram kɛ̈ide ku Buna, ku Oren, ku Odhem, ku Aɣija,

²⁶ Jerameel aya ade nɔm tiiŋ däŋ cɔl Atara, yen aye man Onam.

²⁷ Ku wɛ̈ɛ̈t ke Ram, wën kɛ̈i de Jerameel, ee Maadh, ku Jamin, ku Eker.

²⁸ Ku wɛ̈ɛ̈t ke Onam, ee Camai, ku Jada. Ku Camai aya ade nɔm wɛ̈ɛ̈t kaarou, Nadap ku Abicur.

²⁹ Ku rin ke tiiŋ de Abicur acɔl Abiɣail, acï dhiëth Aɣaban, ku Molid.

³⁰ Wɛ̈ɛ̈t ke Nadap ee Theled, ku Apiam. Ku Theled acï bɛ̈n thou ke cïn meth.

³¹ Ku wɛ̈ɛ̈t ke Apiam ee Yici. Ku wɛ̈ɛ̈t ke Yici ee Cecan. Ku wɛ̈ɛ̈t ke Cecan ee Aɣilai.

³² Jada mänhë Camai ade wɛ̈ɛ̈t kaarou, Jether ku Jɔnathan, ku Jether acï bɛ̈n guɔ thou ke cïn meth.

³³ Jɔnathan acï dhiëth ë wɛ̈ɛ̈tke kaarou, Peleth ku Dhadha. Keek kedhie ayek kuat de Jerameel.

³⁴ Ku Cecan aa cïn nɔm mïthwät ee duet kapäc, ku Cecan aa de nɔm lïmdɛn ë Rip cɔl rin Jara.

³⁵ Ago Cecan gäm nyande, gokï mɛnh moc dhiëëth ku ciëkkï an, Atai.

³⁶ Kuat de Atai, ale guööt Elicama: Ee Atai, Nathan, Dhabad,

³⁷ Dhabad ee wun Epalal, ku Epalal ee wun Obed, ku Obed ee wun

³⁸ Jeɣu, ku Jeɣu ee wun Adharia,

³⁹ Ku Adharia ee wun Ɣeledh, ku Ɣeledh ee wun Eleyatha,

⁴⁰ Thithimai. Calum,

⁴¹ Jekamia, ku Elicama.

Käu Däŋ de Kalep

⁴² Wën kɛ̈i de Kalep, mänhë Jerameel acɔl Meca. Meca acï bɛ̈n aa wun Dhipa, wun Mareca, ku ye Mareca wun Ɣebron,

⁴³ ku Ɣebron ade wɛ̈ɛ̈tke kaŋuan, Kɔra, Tapua, Rekem, ku Cema.

⁴⁴ Cema yen aye wun Raɣam, ku ye wun Jorkiim, ku Rekem ee yen ee wun Camai.

⁴⁵ Wɛ̈ɛ̈t ke Camai ee Mawon, ku Mawon ee wun Bethdhur.

⁴⁶ Ku Kalep ade nɔm tiiŋ mɔ̈th cɔl Eepa, go yen dhiëth Ɣaran, ku Modha, ku Gadhedh. Ku Ɣaran aya ade nɔm wën cɔl Gadhedh.

⁴⁷ Wɛ̈ɛ̈t ke Jaɣadai ayek dhetem, ee Regem, Jotham, Gecan, Pelet, Eepa ku Caap.

⁴⁸ Kalep aya ade nɔm tiiŋ mɔ̈th däŋ cɔl Maaka, go ye dhiëth wɛ̈ɛ̈t kaarou, yï Ceber ku Tirɣana.

⁴⁹ Na ɣɔn ke be yen dhiëth wɛ̈ɛ̈t kɔ̈k kaarou, Caap, ɣɔn gɔl wun cɔl Madmana, ku Ceba ɣɔn gɔl wuöt cɔl ke Makebena ku Gibia, Kalep ade nɔm nyan cɔl Aketha,

⁵⁰ Kakë ayek käu de Kalep. Wën kɛ̈i de Kalep acɔl Ɣur në tiiŋdɛn Eparath. Cobal wën de Ɣur ee yen ë gɔl wun cɔl Kiriath Jiriim,

⁵¹ Wëndɛn de rou acɔl Thalma ee yen ë gɔl Betheleɣem, ku wëndɛn de diäk cɔl Ɣarep ee yen ë gɔl Bethgader.

⁵² Cobal raan wään gɔl Kiriath Jiriim, ee yen ee kuɛɛrë de kɔc ke Ɣaroi, ku biäk de kɔc ceŋ Menuɣoth.

⁵³ Ku dhiën kɔ̈k ë rɛ̈ɛ̈r në Kiriath Jiriim, ee kɔc ke Yithir, ku kɔc ke Puth, ku kɔc ke Cumath, ku kɔc ke Micera (ku kɔc ke pɛ̈ɛ̈nydït ke Dhorath, ku Ecetawol ayek kɔc ke dhiënkë.)

⁵⁴ Ku wɛ̈ɛ̈t ke Thalma, ee Betheleɣem, ku kɔc ke Netopath, ku kɔc ke Ateroth Beth Jowap, ku biäk de kɔc ke Manaɣath.

⁵⁵ Kɔc atëët ke gäär, ku kïït de awereek de naamden arëërkï ë Jabedh, kɔc ke Tirathai, Cimiithai, ku Thukathai kekë kɔc ke Ken ɣɔn ee kek cï röt bɛ̈n aa thiaak ë kɔc ke Rekabai.