1 Lëk 1 - JAM DE NHIALIC 2011

Gɔl në Adam Le Abraɣam

¹ Adam aaye wun Theth, ku Theth aaye wun Eenoc.

² Eenoc aaye wun Kenan, Kenan ee wun Maɣalalel, Maɣalalel ee wun Jared,

³ ku Jared aaye wun Eenok, Eenok ɣɔn ee wun Mathuthela, ku Mathuthela ee wun Lamek,

⁴ Lamek ɣɔn ee wun Nowa. Nowa ade nɔm wɛ̈ɛ̈tke kadiäk yï: Cem, ku Ɣam, ku Japeth

⁵ Ku wɛ̈ɛ̈t ke Japeth ee yï: Gomer, ku Magɔk, ku Madai, ku Jaban, ku Tubal, ku Mecek, ku Tirath ayek kuarken ke kɔc cï cäk ë rinken.

⁶ Käu de Gomer ee yï: Acekenadh, ku Ripath ku Togama.

⁷ Ku käu de Jaban ee kɔc ke Eliica, ku Tarcic, ku Kitim, ku Rodanim.

⁸ Ku wɛ̈ɛ̈t ke Ɣam ee yï: Kuc, ku Rip, ku Libya, ku Kanaan, ayek kuarken ke kɔc cï ke cäk në rinken.

⁹ Ku käu de Kuc ayek kɔc ke Theba, ku Ɣabila, ku Thapta, ku Raama, ku Thabteka. Ku käu de Raama ayek kɔc ke Ceba ku Dedan.

¹⁰ (Kuc ade nɔm wëndɛn cɔl Nimrɔt, yen cï bɛ̈n aa raan tueŋ de riɛl ë pinynɔm.)

¹¹ Käu de Rip ayek kɔc ke Ludia, ku Anamim, ku Laɣaibim, ku Naptuɣim.

¹² Ku Pathruthim, ku Kathluɣim, ku kɔc ke Keret (të ɣɔn ë bïï ë kuat de Pilithiin thïn.)

¹³ Wɛ̈ɛ̈t ke Kanaan ee Thidon yen ee wën kɛ̈i ku lɔ Ɣeth, kek aye kuarken ë kɔc ë ye kɔc cäk.

¹⁴ Kanaan aya aye kuɛɛrë de kɔc ke Jebuth, ku kɔc ke Amor, ku kɔc ke Girgac.

¹⁵ Ku kɔc ke Ɣib, ku kɔc ke Arek, ku kɔc ke Thin.

¹⁶ Arabad, ku Dhemar, ku Ɣamath.

¹⁷ Wɛ̈ɛ̈t ke Cem ee, Elam, Acuur, Arapakad, Lud, Aram. Udh, Ɣul, Gether, ku Mecek, kuɛɛrëdɛn ë ye keek cäk ee rinkë.

¹⁸ Arapakad ee wun Cela, ku be Cela Eber lɔ dhiëëth,

¹⁹ ku lɔ Eber wɛ̈ɛ̈tke dhiëth kaarou yï, Pelek kekë Jɔktan, rin ke Pelek aa ciëkë keek në luɔi wään cïï ë piny nɔm tɛ̈ɛ̈k ɣɔn tɔ̈u en ë bääny yic.

²⁰ Käu de Jɔktan kek ee kɔc ke Almodat, Cilep, Ɣadhamapeth, Jira,

²¹ Ɣadoram, Yudhal, Dikla,

²² Eebal, Abimayɛl, Ceba,

²³ Opir, Ɣabila, ku Jobap, keek kedhie ayek wɛ̈ɛ̈t ke Jɔktan.

²⁴ Kuat de Cem, abï bɛ̈n guööt ë Abram, agɔl ë Cem, Arapakad, Cela,

²⁵ Eber, Pelek, Reu,

²⁶ Thiruk, ku Naɣor, ku Tera,

²⁷ Ku Abram (aya aaye cɔl Abraɣam).

Käu de Yicmiɛl

²⁸ Abraɣam ade wɛ̈ɛ̈tke kaarou, Yithaak ku Yicmiɛl,

²⁹ Wɛ̈ɛ̈t ke Yicmiɛl kek acï bɛ̈n aa thook ke juöör kathiëër ku rou yï, Nebayɔth, yen ee wënkɛ̈i de Yicmiɛl ku jɔ aa yï, Kedar, Adbeel, Miptham.

³⁰ Micma, Duma, Matha, Ɣadad, Tema,

³¹ Jitur, Napic, ku Kedema. Kek aye wɛ̈ɛ̈t ke Yicmiɛl.

³² Abraɣam ade tiiŋ mɔ̈thdɛn cɔl Ketuura, cï yen bɛ̈n dhiëëth wɛ̈ɛ̈tke kadhetem, Dhimeran, Jɔkcan, Medan, Midian, Yicebak, ku Cuwa. Jɔkcan acï wɛ̈ɛ̈tke kaarou dhiëëth yï, Ceba ku Dedan.

³³ Ku dhiëth Midian wɛ̈ɛ̈tke kadhïc, Eper, Eeper, Ɣanook, Abida, ku Eldaa, kakë kedhie ayek käu de Ketuura.

Käu de Ethau

³⁴ Yithaak wën de Abraɣam ade wɛ̈ɛ̈tke kaarou, Ethau ku Yithriɛl.

³⁵ Wɛ̈ɛ̈t ke Ethau kadhïc, ee Elipadh, Rewel, Jiyuc, Jalam, ku Kɔra,

³⁶ Elipadh ee kuɛɛrë dhiën kadhorou, Teman, Omar, Dhepi, Gatam, Kenadh, Timena, ku Amalek.

³⁷ Ku Rewel acï bɛ̈n aa kuɛɛrë dhiën kaŋuan, Naɣath, Dhera, Cama, ku Midha.

Kɔc ë Kɔn Edom Ɣap

^38-42 Wɛ̈ɛ̈t ke Theyir, kɔc wään kɔn Edom cieŋ. Lotan, ku Cobal, ku Dhibion, ku Ana, ku Dicon, ku Edher, ku Dican. Wɛ̈ɛ̈t ke Lotan ee Ɣori, ku Ɣomam, ku nyankënë ee Lotan acɔl Timena. Cobal ade wɛ̈ɛ̈tke: Alban, ku Manaɣath, ku Eebal, ku Cepi, ku Onam. Dhibion ade wɛ̈ɛ̈tke: Ayia ku Ana. Ku wɛ̈ɛ̈t ke Ana ee, Dicon, ku wɛ̈ɛ̈t ke Dicon ee, Ɣameran, ku Eceban, ku Yitheran, ku Ceran. Edher ade wɛ̈ɛ̈t: Biliɣan, ku Dhapan, ku Jaakan. Dican ade wɛ̈ɛ̈tke: Udh ku Aran.

Meliik ke Edom

^43-50 Kakë ayek meliik ɣɔn ceŋ piny de Edom, ŋɛk ee lɔ në ŋɛk cök, wään ŋoot ë Yithriɛl ke cïn meliik cï kɔn dɔm. Bela wën ë Beyor, raan wun ë Dinɣabath Jobap wën de Dhira raan wun ë Bothera Ɣucam raan piny de kɔc ke Teman Ɣadad wën de Bedad, raan wun ë Abith (ee raan ɣɔn tiam kɔc ke Midian ë tɔŋ piny ë Mowap) Thamela raan wun ë Mathereka Caul raan wun ë Reɣoboth nu wɛ̈ɛ̈r ë Yuparat kɔ̈u Baal Ɣanan wën ë Akbor Ɣadad raan wun ë Pau (tiiŋde acɔl Meɣetabel, nyan de Matered, ku ye nyan de nyan ë Medhaɣa)

⁵¹ Ku kɔc ke Edom acïk keyiic tɛ̈ɛ̈k ë dhiën kathiëër ku tök: Timena, Alia, Jetheth,

⁵² Yoolibama, Ela, Pinon,

⁵³ Kenadh, Teman, Mibdhar,

⁵⁴ Makediel ku Yiram.