NUJAOYABA 17 - DARA GADAIN N.T. with PSA and PRO (BSI)

Sao phainjiyaba

¹ Odehe, bokhoh masni deiyaba, sorgo ni degla sni buthu ni bising ha saosi de phai hi, ang jang sainlai ba, Phai sang, gabang dih ni basao ha khamyaba sao phainjiyaba dedao thaoyaba ni saja khe ang nisi ne phnu nang.

² Phirthi ni rajarao bokhe bonsi gaori japha re, boni nangjaoma ni ju jang phirthi ha dongyarao khebo baola khlai re, bo ode thi ba.

³ Odebani, sorgo ni degla, bese jang hajengling ha angkhe lang ba, oraha mih rege gajao jnayaba ni basao ha masainjik khamba khe ang nu ba. Bo mih rege Madai ni bumu khe sijiyaba gablai si thu du, bokhro khro sni, bogrong grong jhi dong.

⁴ Bo masainjik rih jaosim jang gajao jnayaba khe thu hi, gajao jang dam gnang longthai ar guphu jang sal khlai dada, boni nangjaoma regeyaba jinis buthu ar gusu ha gablaiyaba gajao ni bela khe boni yao jang bo lang ba.

⁵ Boni bathain hade grao makhao huiyaba bumu dong BABULON NOGOR GEDEBA NI SAO PHAINJIYARAO NI BUMA ODE JINIS REGE REGEYABA NI BUMA, thi hi reb ba.

⁶ Ar bo masainjik subung gatharrao ni thijao jang Jisu ni khlai hi bandai yaopha layaba ni thijao jang baola jahi dongba khe ang nu ba. Bo masainjik khe nuba jang ang hamsi ning khin ba.

⁷ Thikhabo, sorgo ni degla ning ani ha thi ba, “Snadi jabani ning gmang ba? Bo haingajik ode bo mih rege, bokhro khro sni, bogrong grong jhi gnang buthu ni grao makhao khe nini ha ang thi nang.

⁸ Mih rege khe ning nuyaba sagang hade bo dong ba, thikhabo duha giri kha, nokhasao gejer ni phrang bo baigo phai hi, jamyaba ha bo thangphin lama se. Odehe, phirthi ha dongyarao, habsao sangsai jenba ni phrang hayu ni laisi bajab ha bumu gakhuyayarao mih rege khe nuphin khade, sagang ha bo dong ba, thikhabo duha de giri kha. Bonsi phaiphin khade bonsi hamsi ning gmang ma se.”

⁹ Ebo jinis khe buji mane de gyan jang khah ha hamsi ning girikma nang du. Bokhro khro sni buthu de masainjik khayaba hading ding sni khe se thi ba, ode raja sni buthubo bo ning:

¹⁰ eraha dongyaba bowa buthu de galai hi, saosi de dong kho, thikhabo gibin saosi braha dong tharmaiya, bo phai khabo phung si se ning dong ma.

¹¹ Mih rege dongyaba duha giri kha, bonsi jai ja du, bo sni ni bising ha dongyaba ning; thikhabo, bo sjam jaoma se.

¹² Bogrong grong jhi ning nuyaba raja jhi buthu de raja niyayaba buthu se; bonsi gontha si se ning mih rege jang raja lai dong mani hukhum dong ba.

¹³ Ebo jhi buthu grao si jahi bonsi ni raothai jang bonsi ni hukhum khe bonsi yaopha ma se.

¹⁴ Bonsi ning Melmasa jang nanglai ma, Melmasa bonsi khe de ma se: Ode boni yaohon rikphayaba, bo saikhoyaba, subung lonma gnangrao jang baosi khe bonsi de ma se; bode rajarao ni Raja, Raja gedeba ni Raja gedeba se, bo odehe thi ba.

¹⁵ Degla ning ani ha thi ba, Sao phainjiyaba ni khamthan ha ning dih gabang nuyaba buthu de, subung buthu khrip subung buthu, khrip jadi ode grao gibin gibin khe se ja du, thi ba.

¹⁶ Ning mih rege nuyaba boni bogrong grong jhi buthu ning sao phainjiyajik de jajaoya ja nang, ode ran hi rih giri nisi khe deng ma se; boni bahain khe wai ha sao hi bonsi ji ma se.

¹⁷ Madai ni grao sophaiya side bo nangjaoba lai yaowai mane ode grao masi jama ni khlai hi ar, bonsi ni raji khe mih rege niha yaopha mane khlai hi Madai ning bonsi ni khah ha khusi dang blai kha.

¹⁸ Ning masainjik nuyaba de phirthi ni rajarao ni basao ha bisar khlaiyaba, nogor gedeba hase ja ma, bo odehe thi ba.