NUJAOYABA 12 - DARA GADAIN N.T. with PSA and PRO (BSI)

Masainjik jang Dragon

¹ Nokhasao ha sin gedeba gmang thaosisiyaba nujao phai hi, masainjik sain khe phin hi, boni igah bakhla ha dainbo dong, odehe sathrai majhi gin khrothu thu hibo nujao phai ba.

² Bode sao khonggin se, sao goma ni sa jao hi bo hoi ba.

³ Odehe, nokhasao ha sin gibin gmang thaosi nujao phin ba. Odehe Dragon gajao dedaothaoyaba, bokhro khro sni odehe bogrong grong sni dongyaba, boni bokhro ha raja ni khrothu masni thu hibo nujao phin kha.

⁴ Boni bermai jang nokhasao ni sathrai buthu khe phantha tham saikhao hi phanthasi khe baikhla hi, phirthi ha bo garai thar ba. Nana hajaiba jang srap molo phu mani khlai hi Dragon sao goma jayaba ni sagang ha bo song hi ning dong ba.

⁵ Bo jakha de, jadi buthu ni basao ha ser ni goda jang bisar khlaiginyaba nana miyah bo mai kha. Bo nana khe Madai niha odehe jar ni raja ni khamthan gede bo sugu lang kha.

⁶ Bo masainjik khe Madai ning bo salai riyaba hathan ha, nokha maithai jang rjing jhigin maithai do bising ha kharang phu mani khlai hi bo khailang la kha.

⁷ Boha sorgo ha jbah jahi, Mikael jang boni sorgo ni deglarao bo Dragon jang bonsi nanglai ba. Dragon jang boni deglarao jbah dainlai ba,

⁸ thikhabo bonsi de kha, odehe sorgo ha bonsi ni khlai hi musi hathan giri kha.

⁹ Dragon dedao thaoyaba jbu ho grasa Diabol jang Soithan thiyaba habsao bubim khe thokhiyaba de dangkhla jao hi, boha boni deglaraobo bo jang baosi dangkhla pha jao ba.

¹⁰ Odehe sorgo ni phrang khurang bol jang: Duha jini Madai sogoyahba, Boni raothai, boni raja ni raji odehe Messia ni hukhum sophai kha. Jini daphlungrao gajai riyaba, jini Madai niha sain hor gajai riyaba dangkhla jao kha.

¹¹ Melmasa ni thijao ni khlai hi, odehe bonsi mithi pha riyaba grao ni khlai hi, bonsi khe de kha, Bo thiphama sosi jar ni hayu khebo musi baoya.

¹² Odebani, O sorgo buthu odehe nisi boni bising ha dongyarao, khaja lah! Thikhabo, O phirthi jang sagor, nisi ni bubain risi bi dou! Bede thikhade Diabol nisi niha akhai phai bani khlai hi, khaisa bubli se ning dongsiba thi hibo tharmai bani, thamsi jang bo gablai du! thi hi bo thiphai ba khe ang khna ba.

¹³ Dragon khe phirthi ha dangkhla jao kha thi hi bo tharmai ba jang, nana miyah maiyaba masainjik khe bo riksai kha.

¹⁴ Thikhabo, masainjik de jbu ho sophuyayaba bokhe deng mane salaiyaba hajengling ha birsing phu mani khlai hi daoling gedeba ni bagrang buthu saikhao gini khebo bonsi ri hi, oraha ning bubli masi odehe bubli buthu odehe bubli gejer ni bising ha bonsi bokhe kharang ma se.

¹⁵ Odebani, bo masainjik khe dih rao rihi gajao ri phu mani khlai hi jbu hoh dikhong ha lai rao rihi bukhuh ni phrang dih suhon ba.

¹⁶ Thikhabo, phirthi ning boni masainjik khe juru hi, boni bukhuh khe sasi hi, Dragon ning boni bukhuh ni phrang dikhong baigo riyaba khe molo thar ba.

¹⁷ Dragon bo masainjik ni basao ha hamsi ning thamsi baigo hi, boni greng dongyarao, Madai grao riyaba buthu khe mani hi, Jisu ni grao khe lonma jang baiyarao nanglai mani khlai hi bonsi baigo kha.

¹⁸ Odehe, Dragon sagor ni dih dergong ha songhi kha.