KOLOSSA 2 - DARA GADAIN N.T. with PSA and PRO (BSI)

¹ Nisi jang Laodikei nogor ha dongyarao ode, saomang ha ani mukhang khe nuyayarao khrip ne khlai hi, besi dukhu jang nisi ni khlai hi ang khusi dang du thihi nisi tharmai mane ang nangjao du.

² Bonsi ni khah ha shanti maiphu mani khlai hi, hamjaoma ha bonsi khe khah jom hi, khrip jadi ha ragaosi mithi phuyaba bang hi, Madai ni grao makhao Krista khe bonsi tharmai phu mani khlai hi.

³ Krista ha ning gyan jang buddi ni khrip don khe bonsi phip hi deng ba.

⁴ Asaba subung jang bo grao gibi lai thihi nisi khe thokhi phuya mane ebo grao khe ang thi du.

⁵ Saomang jang nisi niha ang dongya la khabo, bese jang ang nisi niha dong, nisi khah ha mathao dada deng hi, Krista niha lonma raoba khe nuhi ang khaja du.

Krista ha hayu hamsoyaba

⁶ Krista Jisu khe Gabra mani hi ajao kha bani, olei ning boni ha dong lah.

⁷ Boni ha ning yader guthu suhi judao phalang lah, ode slingriyaba khe nisi maiba lai ning, gabang khajama ni grao thihi lonma ha ning nisi raohi dong lah.

⁸ Girik lah, ode niyakha de, sereba Krista ni grao lai niya hi, subung ni grao gda ha dengyaba, ode habsao gdani sikhaithai khitha bujuh giriyaba buthu lai se, bonsi ni gyan jang haglai thokhiyaba grao jang jbah yaodi ne bonsi nisi khe langla jao nang.

⁹ Boni ha se Madai ni khrip jadi boni saomang ha ning dong.

¹⁰ Boni ha ning nisi phura sosa kha, bo de Raja ode khrip hukhum ni bokhro se.

¹¹ Boni ha ning nisi bujuh raso kha, yao jang sao ni bugur rasoba niya hi, Krista ni bujuh rasojao kha.

¹² Baptisma ha de bo jang baosi nisi phip pha hi, githi ni bising ni phrang bo khe mathang phinyaba Madai ni raothai khe lonba ni bo jang baosi nisi thangphin kha.

¹³ Nisi ni gajai ode saomang ha bujuh rasoyaba jabani nisi githi jahi dong ba, thikhabo Madai ning jar jang baosi nisi khe mathang phin kha.

¹⁴ Lagai rebthaoyaba, dara ni grao ha jing khe badaiyaba khe bo sjam ri kha. Bokhe ning kross ha dikpha hi lang la kha.

¹⁵ Kross ha ning Raja jayaba ode hukhum gnang khrip khe bo dehi, bo buthu khe langhi dethar kha thihi khrip ni sagang ha bo phnu kha.

¹⁶ Odebani, jiba lingba ni grao ha ja thing, mel phaid bani basain ni grao ha ja thing, dain gadain ni grao ha ja thing, lenggo basain ni grao ha ja thing, saosi bo nisi khe da siji thing.

¹⁷ Ebo buthu de jinis sophai ginyaba ni saokhuli se ning kho, thikhabo gibi gibiyaba de Krista ni se.

¹⁸ Jar khe basasa jamai si hi ode sorgo ni deglarao sainlai ba khe khna ma nangjaoyaba buthu, gibin jadao hi nujaoyaba khe nuba lai thiyaba buthu, saomang nangjaoma ha haglai haglai thokhi baiyaba subung dong re. Oleiyaba subung de nisi ni yaosandi khe nisi bidin da khlai thing.

¹⁹ Bokhro gibi khe bonsi remsongya. Boni bokhro ha ning saomang bubim jang jura jahi ode khah jaoyaba buthu ha khrang hi ode jura jinis jahi bonsi dedao phalang re.

Krista ha hayu gadain

²⁰ Habsao ni bese dara disa khe Krista ha nisi thih kha la, snadi jabani habsao ha thang hi ning dongba lai elei grao ri ba,

²¹ Da dopha, Da jennai, Da rem bai,

²² thihi subung dara slam singyaba ode olei slingriyaba ni bakhla ha nisi hap ba kho? Bo buthu khe yaowai hi bonsi jam ginyaba se.

²³ Sorgo ni degla khe khlim ba thiyaba jar khe khasi rilayaba, sao khe dukhu rilayaba buthu khe dangma ning nangdu lai nujao du; thikhabo, saomang ni libima khe de mane ebo jang musi lab ja nang niya.