HEBRAIRAO 3 - DARA GADAIN N.T. with PSA and PRO (BSI)

Jisu de Moses thanebo dedao

¹ Odebani, Hoi daphlung gatharrao, sorgo ne longyaba khe phantha maiyarao, jini grao khe lon hi haijaoyasa ode Jonthai dedao thaoyaba, Jisu khe bisar khlai lah.

² Madai ni nokhor khrip ni bising ha, Moses khe lonma gnang jaba lai jasosi ning, bokhe saikhoyaba ne khlai hide bo lonma gnang se.

³ Nokhor khe slamyaba de jar ni nokhorrao thanebo bonsi bakhan khlaidaoba lai ning, Jisubo Moses thane bakhan maidao mane bo saikho jaoyaba se.

⁴ Bede thikhade, khrip ni nohkhor habo saosi noh slamyaba dong, thikhabo khrip jadi slamyaba Madai se.

⁵ Bubli sophai ginyaba ne thiyaba jinis dong ginyaba buthu khe ragao so ri mani khlai hi Moses de jar dangyasa jayaba ha Madai ni khrip nohkhor habo lonma gnang se.

⁶ Thikhabo, Krista de basa jang baosi Madai ni nohkhor ni phantha dong; ode boni nohkhor buthu de jing ning ja kha, jing khitha raohi jar ni asa ni sanggama ni basao ha remsong hi dong kha de.

Madai ni subung buthu ni khlai hi lenggoma

⁷ Odebani, Bese Gathar thiba lai jasosi, Dini ha boni khurang khe nisi khna khade,

⁸ Hajengling ha nisi ang khe nainaiba ha, grao laya ja bani bubli ha lai nisi khah da rao ri lah.

⁹ Odebani, bo greng buthu de angkhe nainai hi bonsi ang khe nai dada, nokha maithai jang bisa gin ni bising ha ang khusi dangyaba buthu khe bonsi nu kha.

¹⁰ Odebani, bo greng buthu ni basao ha ang khah ha jajaoya hi, ‘Bonsi ni khah ha bonsi nalaibo bao gajai ja re, Ani lama buthu khebo bonsi mithiya, ang thi du.

¹¹ Ang sagang ha thamsi jang smai dangba lai, Ani lenggoyaba ha bonsi hap nang niya, thidu’.

¹² O daphlungrao, girik lah, ode niyakha de, Madai gathang ni phrang galai ri mani khlai hi asaba ni bising ha ja thing, hamya lonyayaba hapsing phaijao nang.

¹³ Dini, thi dada dong bani bising ha, nisi ni bising ha sereba, phap ha galai hi, bonsi khah khe bonsi rao riyama ni khlai hi, nalaibo sibring lai lah.

¹⁴ Bokhe jenba ha jing lonsingyaba khe jamthao ba sosi jing remsong hi dong khade, Krista jang masi jayarao jing ja kha thi hi tharmai lah.

¹⁵ Ebo de sastro thiyaba se: Dini ha boni khurang khe nisi khna khade, grao layahi nisi dong ba bubli ha lai nisi khah da rao ri lah.

¹⁶ Niyakha la, bonsi khna hi grao layayarao la sere? Egypt raji ni phrang Moses langhi baigoyarao khrip niya na somo?

¹⁷ Nokha maithai jang bisagin bising ha sere ni basao ha khah ha jajaoya ja ba? Hamya khusi dang hi, hajengling ha galaising hi thithar layarao ni basao ha niya kho?

¹⁸ Grao maniyayarao niha garhi, sere niha lenggoyaba ha hapya mani khlai hi bo smai dang ba?

¹⁹ Odebani, bonsi lonya bani khlai hi hap phu nang niya thihi jing tharmai du.