HEBRAIRAO 2 - DARA GADAIN N.T. with PSA and PRO (BSI)

Golam dedao thaoyaba

¹ Odebani, jing khmao jang khnayaba buthu khe khah muh rihi jing khnadao ma nang du. Ode niyakha de, bo jang jing gajain ja ma se.

² Sorgo ni deglarao khe yaowai hi grao thiyaba ning rao kha la, hamya ode grao layayaba khrip buthu ning hamsisi khamthan maipha lang kha la,

³ elei sosi sogoma gedeba khe haiger kha la, jing bedehe khai go phu ma? Bo sogoma ni grao khe Gabra yaowai hi bo jenba ha ning sainthi kha, ode bokhe khnayarao si de bonsi jing khe rao ri pha lang kha.

⁴ Madaibo sin buthu ode gmang thaosisiyaba buthu ar khrip jadi raothai buthu jang, bo nangjaoba lai lai ning Bese Gathar jinis ronyaba buthu jang ning bonsi khebo sakhi ri du.

Sogoma labuyaba

⁵ Habsao ha japhai ginyaba, boni balam ha jing thiyaba khe sorgo deglarao ni bakhla hade bo dengya,

⁶ Thikhabo, sereba subung brabai ha ebo grao khe sakhi ri hi bo sainthi kha: Subung la snadi ning mithi du? Marsi ni basabo snadi bokhe ning khiyal khlai du?

⁷ Bokhe sorgo deglarao thane hidao hi ning slam ba, Muima jang bakhan ni khrothu khe ning ning thu ri ba, Nini yao ha baigoyaba buthu ni basao ha bokhe ning hoja slam ba.

⁸ Boni igah bakhla ha khrip jadi khe ning deng kha. Odebani, boni igah bakhla ha khrip jadi khe dengkha bani boni bakhla ha dengyayaba musibo boni ha giri. Thikhabo, duha sosi de boni bakhla ha denghi jing boni sadin khe nuya kho.

⁹ Thikhabo, Jisu “sorgo ni deglarao thane hi dada slamjao hi dongyaba” thiyaba khe dukhu sugu bani khlai hi se muima bakhan ni khrothu thu rijao hi dongba se thihi jing nu du; Madai ni khasaoma ni dara jang thiyaba khe khrip subung ni baslai ha jennai kha.

¹⁰ Bonthane khlai hi khrip dong ba, boni dara jang khrip dangyaba ne khlai hi de, basa gabang khe muima habo lang khade, bonsi sogoma slamyaba dukhu khlai bani dara jang phura khusi ja rima ning nang du.

¹¹ Bede thikhade, khlaiyaba ode gathar khlai jaoyaraobo, bonsi jamthar si khripbo subung saosi ni phrang baigoyaba gaja se; odebani, bo bonsi khe daphlung thiba lajiya.

¹² Bo Madai khe thi ba, Ani daphlungrao ni bising ha nini bumu khe ang thi nang, Ode bojom jayarao ni gejer ha rajab hi ning khe ang bakhan khlai nang.

¹³ Ode, Boni ha ani lonma khe asa deng nang, ode thiphin ba. Ode, Nai lah, ang jang Madai anthane riyaba ansarao khe, odebo bo thiphin ba.

¹⁴ Odebani, ansarao de saomang jang thijao ni phantha ja kha, odebani bobo bo jang baosi phantha maipha kha; bede thikhade, thiyaba jang thiyaba hukhum gnang (bo de sgain soithan se), bokhe sjam phu mane ode,

¹⁵ olei thiba khe khin bani khlai hi thang hi dongyaba thiyaba ni leng jahi dongyarao khrip khe sogo kha.

¹⁶ Bede thikhade, bo juru phayarao de sorgo deglarao niya, bo juru phayarao de Abraham ni greng buthu se.

¹⁷ Odebani, subung buthu ne khlai hi, phap gajai ni map maiyaba slam ri mani khlai hi, Madai ni gede ni jinis buthu hade, Jonthai dedao, malai khe khasao phuyaba ode lonma gnang japhu mani khlai hi, khrip grao buthu ha jar ni daphlungrao jang baosi ja ma nang du.

¹⁸ Bede thikhade, bo jar ning naigrik goron hi dukhu jakha bani, naigrik goronyarao khe bo juru phuyaba se.