GYAN NI GRAO BUTHU 7 - DARA GADAIN N.T. with PSA and PRO (BSI)

¹ Ani basa, ani grao khe mani hi Ani slingrithai khe nini khasu ha deng lah.

² Ani hukhum khe mani lah, ning thang hi dong ma, Ani slingrithai khe nini muthai nana lai jahi raokhi lah.

³ Nini yaosi buthu ha kha hi deng lah Nini khasu ni khathai ha reb hi deng lah.

⁴ Girikthai niha thi lah, Ning ani bahandao Bujima khe ning thi lah, “Ning ani hainthi se”.

⁵ Bonsi ning khe gaori ni phrang sogo hi deng ma Hamyayaba Masainjik, khah gidi ni phrang sogo ma.

Gaori ni phrang mirik mane grao

⁶ Ani noh ni dergasa ni phrang nai hi dong du Dergasa ni gabla ni phrang ang nai du.

⁷ Khrip subung ni bising ha ang nu du Naga jalai raosi khe ang nu du Bode subung phura niya.

⁸ Bo lamayung ha masainjik ni bijing ha thang du Ar boni noh gede thang du.

⁹ Sariphang japhai kha, horbo thudao thudao thu du.

¹⁰ Ode masainjik boni ha goron lai mane baigo bu du Bo masainjik de gaori lai se, boni gainsaribo gaori lai se.

¹¹ (Bo de laji giri lai grao jo hi Noh ni phrang baigo du.

¹² Bode lamayung habo daobai re lamayung ni bogrong-bren habo daobai re.)

¹³ Bo naga khe rem da da khudim ba Laji giri hi bokhe edehe thi ba,

¹⁴ Ang noh ha masi bandai ri ma nang du Dini ha ani hanggayaba khe phura khlai kha.

¹⁵ Odebani se ning jang goron lai mane baji ha phai du Ning khe smai ba, duha ang mai kha.

¹⁶ Egypt ni phrang labuyaba rih majang khe yen hi ani thuthan khe phungkhlip hi dang kha.

¹⁷ Murra, Aloe ar Cinamon thao midim jang Huphlung hi thuthan khe midim ri kha.

¹⁸ Phai, phorong sosi gini jang hamjao lai nang Dei, jing gini jang maya nang hi khaja lai nang.

¹⁹ Ani nohbra noh ha giri Bo de hah gajain ha thang la kha.

²⁰ Boni juli ha rang gablai si lang hi thang kha Dain gablaiya si bo phaiphin nang niya.

²¹ Nalaibo bo naga khe ode thi da da Hamya lama gede langla hi Bo khe phuslai kha.

²² Lamai lamai bo boni yaohon rikpha kha Mih jla khe khah hi langba lai lang la kha Misai dukhon ha nang ba lai jasosi nang la kha.

²³ Boni bakhah ha bla nang si, ode Dao dukhon ha nang mane thangba lai jasosi Boni hayu jam ma thi hi mithiya hi bo thang ba.

²⁴ Olei ja nang bani, ani ansarao, ani grao khe khna lah Ang grao thiyaba khe hamsisi khna lah.

²⁵ Nini khah khe oleiyaba masainjik ni gede da lang Boni lama habo blao hi da thang.

²⁶ Gabang subung khebo hokkhlai kha Bo sthaiyaba subung gabang ning bang kha.

²⁷ Boni noh de mangkhlong ni lamayung ha se ode norok ni lama ha lang ba se.