GYAN NI GRAO BUTHU 6 - DARA GADAIN N.T. with PSA and PRO (BSI)

Mirik bani grao

¹ Ani basa, jodi nini noharirao ni khlai hi ning hanggai ba, Malai ni lagai khe su mane hanggai ba,

² Ning jar ni grao ha sgai khade, Ning jar ni khuh jang khah ja khade.

³ Ani basa, ora ni phrang go mane, ede khlai, Ning jar niha map sain lah. Bo grao ni phrang gomane bol jang bi lah.

⁴ Bo grao jamya si ning mudri da thang Da lenggo bai.

⁵ Sigarirao ni phrang misai khailang ba lai ningbo khai lang Dao dukhon ha nang hi birlang ba lai, ningbo go lang lah.

⁶ Ning sele subung, khaising niha thang lah Boni lama khe mithi hi ningbo gyan mai lah.

⁷ Bonsi ni raja bo giri, hoja bo giri Bonsi ni basao ha hukhum riyaba bo giri.

⁸ Thikhabo bonsi jalang ha ji mane smai du Maising ha bonsi ji mane bojom khlai du

⁹ Ning sele subung, bislei sosi thu hi dong ma kho? Mudri ni phrang bakhali bai ja ma?

¹⁰ Khaisa thu nang kho, khaisa lenggo nang, Yao bao hi khaisa thuma kho-ode thikhade

¹¹ Khao jiyarao lai ning khe dukhu jang rem ma se. Suliyayaba sotru ja hi ning khe rem ma se.

¹² Subung haglai ar subung regeyarao de haglai grao jo hi dao ding bai re

¹³ Bonsi muphrip bai hi lama habo hembai hi malai khe khahrain ri re.

¹⁴ Bonsi ni khah ha hamya bao hi hamya khusi dang re. Malai ni bising ha nam phnang re.

¹⁵ Odebani, dei thiba ha ning gmang-giji sophai hi Srap hamya jama se, bokhe ham ri phu dao nang niya kha

¹⁶ Jinis madoh Gabra nangjaoyayaba dong Regejaoyaba masni dong.

¹⁷ Sanggayaba muthai, mosol joyaba slai, Gajai giriyaba ni thih khe baigo riyaba yao

¹⁸ Hamya bisar baigoyaba khah Srap hamya gede khailangyaba igah.

¹⁹ Mosol thiyaba sakhi Daphlungrao ni bising ha nam phnangyaba subung.

Gaori ni phrang mirik mani grao.

²⁰ Ani basa, nini bupha ni grao khe mani lah Nini buma ni slingrithai khe da haiger.

²¹ Nalaibo bonsi khe nini khah ha deng lah. Nini gorna ha merai lah

²² Braha ning thang du oraha ning khe lang smai nang Ning thuhi mudri thang bahabo ning khe naiso nang Ning smaoba habo ning khe hamba lama phnu nang.

²³ Ebo grao riyaba de thaophari se Ar ebo grao slingriyaba de jdanma se. Bo sibringyaba grao de nini khlai hi hayu ni lama se.

²⁴ Ning khe masainjik hamya ni phrang dimkhao ma se, malai ni bihih ni khuh gidi niphrang ning khe sogo ma se.

²⁵ Boni majangthai khe nuhi da hamjao Boni muh ha gaphainma da ri.

²⁶ Masainjik gaori de hon phersi jang barai re masainjik gaori de ning khe phasa nai re.

²⁷ Rih khamya hi subung jar ni yaphong ni basao ha wai deng phu nang?

²⁸ Waithai ha yapha khamya hi subung hem lang phu nang?

²⁹ Malai ni bihih jang thu pha laiyaba de olei ning jama se. Sere bokhe dopha re, bode saja mai ma se.

³⁰ Asababo hukhri baha khao jiyaba khede subung buthu buji phu du,

³¹ Thikhabo remjao khade phantha sni suphin ma nang ma, Boni khrip donbo rithar ma nang ma.

³² Gaori jabayaba de boni khah gibir lai se, Olei sere jare, bo jar khe jar sjam la ba se.

³³ Khrip jang bo yaosim rijao hi man mai nang niya. Boni laji de jam nang niya kha.

³⁴ Hingsa jang thamsi baigo khade saosibo mathao phuya Baslai layaba de maya phnuya.

³⁵ Baslai khe gar hi musi khebo la nang niya. Gabang rang ri la khabo bo khah mani nang niya.