GYAN NI GRAO BUTHU 29 - DARA GADAIN N.T. with PSA and PRO (BSI)

¹ Alang alang ning khe joba ha suk da ja, ode hi dongyaba phungsi ha ning hamya ja la ma se, ar ham phin nang niya.

² Subung gibirao lab jakha de, subung buthu khaja pha re Subung phaphi sason yaowaiba ha, subung buthu gra re.

³ Sere girikma khe khasao re, bo jar ni bupha niha khajama labu re. Thikhabo, gaori jang lugu jakha de, boni don gma lang la re.

⁴ Hamba bisar jang Raja raji songkhu re Thikhabo, raja harbaoyaba de raji khe sbai re.

⁵ Sere jar ni noharirao khe mosol jang khaja ri re Bo jar ni igah ni khlai hi jeh yenlaba se.

⁶ Subung phaphi de jar ni jeh ha nang la re Thikhabo, subung gibi de khaja hi rajab ma se.

⁷ Subung gibi de dukhi sarao gibi bisar mai mane bao re, Thikhabo, subung phaphi de oleiyaba bisar giri.

⁸ Bisar giriyaba subung de nogor khe wai jang sao re Thikhabo subung girikyarao de thamsi khe ri khlai re.

⁹ Subung buddi-gnang, subung gibir khe bisar ha lang pha khade Bo gibir de thamsi jang jasi jasi graothai thi la ma se, Ar santi ja nang niya.

¹⁰ Bithi khe gangjaoyarao de gibi subung khe regejao re. Ode bonsi khe sthaima smai re.

¹¹ Subung gibir de thamsi khe mathao phuya Thikhabo subung girikyaba de jar khe mathao la re.

¹² Bisardar grao hamya gainsong khade Boni dangyasarao khripbo hamya ja re.

¹³ Dukhisa ar bokhe sijiyaba subung niha baosi jinis dong Gabra bonsi gini khe nai mane muthai ri kha.

¹⁴ Raja dukhisarao khe hamsisi bisar khlai khade Boni khamthan bo mao nang niya.

¹⁵ Slingriba ha goda jang girikma sori du Thikhabo, ansa khe jar ning haiger khade buma khe laji phnu ma se.

¹⁶ Subung phaphi raja jaba ha, phap bo bang bi Thikhabo, subung gibi de bonsi galaiba khe nu nang.

¹⁷ Nini basa khe sason khlai lah, bo ning khe santi ri nang Nini bese ha khajama sori nang.

¹⁸ Subung nudaba giriyaba hathan hade, subung buthu jam lang lama se. Thikhabo dara-disa khe maniyarao ni jathai hambi.

¹⁹ Dangyasa khe grao jang se ning hamba khlai phu nang niya Bo buji lakhabo, olei dang nang niya.

²⁰ Srap ning grao joyaba khe ning nu kha? Boni jathai thane gibir ni jathai hamdao.

²¹ Jar ni dangyasa khe ansa ni phrang maya phnu khade Yaohonthao hade boni khlai hi dukhu sophai ri ma se.

²² Subung thamsi raoyaba de nam-khormu so ri re. Srap thamsi baigoyaba gabang phap khusi dang la re.

²³ Subung jar ni sanggama jang galai ja re Thikhabo, subung gasainyarao bakhan mai ma se.

²⁴ Makhao khe juruyaba de jar ni sotru se, Bo smai dang lakhabo, grao gibi thi phu nang niya.

²⁵ Subung khe khin khade, boni khlai hi dukhon se, Thikhabo, Gabra ha lonma dengyaba de goma se.

²⁶ Gabang subung bisardar ni lugu jama smai re, Thikhabo, Gabra de gibi gibi se bisar khlai re.

²⁷ Subung gibi de subung hamyayaba khe rege jao re Subung hamyayababo subung hamba khe rege jao re.