GYAN NI GRAO BUTHU 2 - DARA GADAIN N.T. with PSA and PRO (BSI)

Girikthai ni lab

¹ Ani basa, ning ani grao khe mani kha de Ar ani hukhum khe khasu ha deng kha de

² Nini khmao girikthai ni gede gainsong kha de Nini khah mithi phumane slam kha de

³ Mithi phnu mane long kha de, mithi phumane gra kha de

⁴ Gajao-guphu smaiba lai bo khe smai kha de Huiyaba don khe smai balai smai kha de

⁵ Odese Gabrani khinma khe ning mithi ma Madai khe hamsisi mithi so nang.

⁶ Bede thikhade, Gabra girikthai khe ri du Boni khuh ha ning mithi phu mani baophu mani baigo du.

⁷ Gibi subung ni khlai hide deba ni deng kha Sere ni khophal ham du boni khlai hi de bo phi se.

⁸ Gibi subung ni lama khe de bo naiso du Lonma-gnangrao ni lama khe de bo dimkhao hi deng du.

⁹ Odese nisi sere gibi sere hamba, Sere hamba bisar ar khrip hamba lama khe mithi phu ma.

¹⁰ Bede thikhade, girikthai de nini khuh ha hap nang Nisi ni bese ni khlai hi girikthai suk ja nang.

¹¹ Baoba ni girikthai ning khe dimkhao ma Baothai ringbaning ning khe raokhi ma.

¹² Girikthai de subung hamyayarao ni lama ni phrang ning khe dimkhao nang, Hamya grao joyarao ni phrang ning khe sogo nang.

¹³ Bo buthu de lama andar ha thang mane Lama belengba buthu khe dangkhlai re.

¹⁴ Bonsi de hamya khusi dangyaba ha khaja re Khrip hamya khusi dangyaba ha bonsi khaja re.

¹⁵ Bonsi ni lama buthu bo belengya Bonsi lama hemyaba buthu bo gui bi.

¹⁶ Ani grao de gaori ni phrang ning khe sogo nang Hamya masainjik hamya khusi dang mane masap khaoyaba grao ni phrang sogo nang.

¹⁷ Oleiyaba masainjik de mathla ha ning basai khe dangkhlai ba, Madai niha bo grao hanggaiyaba khe wainsoya kha.

¹⁸ Boni lama de thih mani gede langsmai du Boni lama de githirao ni lama ha langsmai du.

¹⁹ Boni ha thangyarao si de saosi bo phai phinya Ode hayu ni lama buthu khe bo mai phuya.

²⁰ Olei jasosi ning subung hamba buthu ni lama ha thang phu nang Subung gibirao ni lama buthu ha thang phu nang.

²¹ Subung gibi de raji khe mai nang Subung hamba buthu de raji ha dong song ma se.

²² Thikhabo subung hamyayarao de raji ni phrang negar jao ma se. Subung lonma giriyarao de oraha ni phrang lang la jao ma se.