GYAN NI GRAO BUTHU 14 - DARA GADAIN N.T. with PSA and PRO (BSI)

¹ Masainjik girikyaba de jar ni noh khe slam re Thikhabo masainjik gibir de jar ni noh khe jar ni yao jang ru re

² Sere hayu gibi ha dong re, bo Gabra khe khinyaba se. Thikhabo, sere ni lama belengya, bokhe bo naisle re.

³ Subung gibir de jar ni grao jang bisima ha goda labu re Thikhabo, subung girikyaba de jar ni khujer jang dimkhao re.

⁴ Musu jla giriyaba ha de mirung bo giri Thikhabo, musu jla ni bol jang mai gabang bojom ja re.

⁵ Gibi sakhi riyaba de mosol joya Thikhabo, mosol joyaba sakhi de mosol se ning jo re.

⁶ Subung sijiyaba de buddi khe smai du, thikhabo maiya Thikhabo, bujiyaba ne khlai hi de bujima mai ba lai bi.

⁷ Subung gibir ni phrang degao lah Bede thikhade, boni khujer ni phrang buddi mai nang niya

⁸ Mirikyarao ni buddi de jar ni dongthai khe bao du Thikhabo, subung gibir ni jathai mosol se.

⁹ Subung gibir malai ni gajai khah phinyaba khe mini du. Thikhabo, subung gibirao ni bising ha de milima-khajama dong.

¹⁰ Jar ni dukhu jar ni khah jang tharmai du Jar ni khajama jar se ning tharmai phu ba.

¹¹ Phaphirao ni noh de hamya khlai jao ma se Thikhabo, subung belengyaba ni noh de dongsong ma se.

¹² Subung ni baothai ha lama hamba nujao du Thikhabo bo lama de githi ni lama ha lang du.

¹³ Mini hi mini hi bo subung ni khah dukhu ha so ri re Khajama bang khabo dukhu ha galai re.

¹⁴ Lonyayarao jar ni lama ni khlai hi olei ning mai ma se Subung hamba jar ni lama ni khlai hi yaosandi mai ma se.

¹⁵ Subung hamba de khrip khebo lon du Thikhabo, subung mirikyaba de jar ni lama khe bao la du

¹⁶ Subung girikyaba de phap khe nangjaoya hi Gabra khe khin du Thikhabo, subung gibir de haglai grao jo hi khusi khebo baothai hi dangya.

¹⁷ Subung srap thamsi baogoyaba de gibir ni khusi dang du Ode subung hamya baoyaba khede malai regejao re

¹⁸ Gibir de gibir ni bathai khe ning mai ma se Thikhabo, subung mirikyarao de gyan ni krothu mai re.

¹⁹ Subung hamba ni sagang ha subung hamyayarao gonggalai nang Subung phaphirao, subung gibirao ni daoglap ha gonggalai nang.

²⁰ Dukhisarao khede noharirao regejao re Thikhabo, gnangrao ni lugu bangdao.

²¹ Jar ni noharirao khe naisle re, bo phap khlai ba se Thikhabo, sere suliyayarao ni basao ha khasao du, boni jathai hambi.

²² Hamya bisar khlaiyarao, bonsi gajai ha galai nang niya, Thikhabo, hamba bisar khlaiyaba de hamjaoma mai ma ar lonma gnang ja ma se.

²³ Khrip dukhu ni khusi de habain ga du, Thikhabo, grao se ning jo kha de dukhu gede labu ma se.

²⁴ Gnangrao ni krothu de bonsi ni don se Thikhabo, gibirrao ni birthai de gibir ning.

²⁵ Gibi sakhi riyarao malai ni hayu khe sogo re Thikhabo mosol sakhi riyarao de thokhi ba se.

²⁶ Gabra khe khinyaba niha dimkhao mani khorongma dong Boni basathu ni khlai hibo dimkhao mani dongthan ja du

²⁷ Gabra ni khinma de hayu ni dikhor se Githi ni dukhon ni phrang sogo du.

²⁸ Subung bang khade raja ni khlai hi muima se Thikhabo subung giri khade raja ni basabo jam la ma se.

²⁹ Khah gasaingyaba de bonsi ni bujima bang bi Thikhabo srap thamsi baigoyaba de gibir ni khusi dang re.

³⁰ Khah gasaingyaba de jar ni sao ni khlai hi hayu ri re Thikhabo hingsa de begreng khe sao ri re.

³¹ Dukhisa khe nekhlikyaba bonsi ni slamyaba khe naisle re Thikhabo sere dukhisa ni basao ha khasao re, bo Madai khe man khlai re.

³² Jekhali ha basain hamya sophai du, okhali hamya subung thih ma se, Thikhabo, subung gibi ni khlai hi thihyaba habo dimkhaoma mai re.

³³ Mirikyaba ni khah ha girikma dong re ar gibirrao ni bising habo bo phnu du.

³⁴ Gibi de jadi khe bakhan ri du Thikhabo, phap de khrip ni khlai hi lasisiyaba se.

³⁵ Raja jar ni girikyaba dangyasa ni basao ha khaja du Thikhabo, dangyasa sele de Raja ni thamsi baigo re.