GYAN NI GRAO BUTHU 11 - DARA GADAIN N.T. with PSA and PRO (BSI)

¹ Sukhao jiyaba khe Gabra regejao du, Thikhabo gibi suyaba khe Gabra khaja du.

² Sangga khade laji bo rikpha re Thikhabo basasa jayaba de girikma rikpha re.

³ Subung belengyaba de bonsi ni lonma-gnang jang langsmai du Thikhabo, lonma giriyaba de bonsi ni lonma giriyaba jang jamthar du.

⁴ Thamsi ni basain khali gnang musi lab ja nang niya, Thikhabo subung gibi de githi ni phrang sogo du,

⁵ Sijima giriyaba ni gibiyaba bonsi ni khlai hi lama beleng ri du. Thikhabo, phaphirao jar ni gajai ha ning galai du.

⁶ Subung belengyarao jar ni gibi jang bonsi khe sogo du, Thikhabo lonma giriyaba buthu jar ni mijingma ha nang la du.

⁷ Phaphi subung thikhade, boni asa bo jam lang la du Boni khemotha ni asabo jam lang la du.

⁸ Gibi subung dukhu ni phrang sogo jao du Thikhabo phaphi subung dukhu ha galai sing du.

⁹ Madai giriyaba subung jar ni noharirao khe hamya khlai du. Thikhabo subung gibi jar ni buddi-halai jang sogoma mai du.

¹⁰ Gibi subung gnang ja khade, nogor bo khaja re Phaphi subung thi khade khajama ni jirikkhaoyaba khurang khe khna re.

¹¹ Belengyaba subung ni hamthai jang nogor ha khajama mai re Thikhabo, phaphi subung ni khuh jang nogor khe sbai jao re.

¹² Bisar giriyaba jar ni noharirao khe siji du Thikhabo, subung bujiyarao phirik phirik dong re.

¹³ Grao bangyarao grao makhao khe khaikho re Thikhabo lonma-gnang subung de grao makhao khe hui hi deng re

¹⁴ Langsmaiyaba giri khade jadirao bo galai re Bisar khlaiyaba bang khade, subung go re.

¹⁵ Mithi laiyayarao ni daityo khe layarao, dukhu mai ma se Thikhabo, smai dang hi mathaoyayaba sogo mai ma se.

¹⁶ Khasaoma-mayama dongyaba masainjik man mai re Thikhabo maya-doya giriyaba miyah jar ni basao ha dukhu labu re.

¹⁷ Maya-doya gnang jar khe hamba khlai du. Thikhabo maya giriyayaba de jar khe dukhu ri du.

¹⁸ Phaphi subung de mosol jang bojai du Thikhabo, gibi khe sayaba de yaosandi mai du.

¹⁹ Gibi subung hayu khe mai re Thikhabo hamya khusi dangyaba de githi ha thang re.

²⁰ Gabra de khah hamyayaba khe regejao du. Thikhabo, sere ni lama ha hamya thi mane giri bonsi ni basao ha khaja re.

²¹ Ebo khe tharmai lah: Phaphi subung de saja maiya hi go nang niya Thikhabo, subung gibirao de sogo jao re.

²² Mala majangyaba jar ni dongthai majangya Bo mala honoh ni bogong ha gajao ni yaosi dam lai se.

²³ Subung gibi ni nangjaothai de hamba se ning Thikhabo, phaphi subung ni asa de thamsi se ning.

²⁴ Sere magna ha ron du, bo bangdao hi mai du Sere jar ni se ning deng du, bo dukhu ja du.

²⁵ Malai ne riyaba de gnang jama se Malai khe ji riyaba de jar bo mai jima se.

²⁶ Sere mai bojom khlai du bokhe malai sot ri re Thikhabo malaine ri khade hamthai ri ma se.

²⁷ Sere hamba khe smai re, bo hamthai mai du Thikhabo, hamya khe smai khade, hamya khe ning mai ma se.

²⁸ Jar ni don ni basao ha lonma dengyaba de galai ma se Thikhabo gibi subung de balai gakhrang lai gili du du ja ma se.

²⁹ Sere jar ni nokhor khe dukhu ri re, bo jar ni phantha mai ma se. ar, gibir subung girikyaba niha leng ja ma se.

³⁰ Gibi subung ni bathai de hayu ni bongphang se. ar, sere malai khe de du bo girikyaba se.

³¹ Habsao ha gibi subungrao jar ni yaosandi mai khade, Subung hamyayarao ar hamya khusi dangyarao bislei mai nang.