2 TIMOTHE 1 - DARA GADAIN N.T. with PSA and PRO (BSI)

Khlimyaba

¹ Paul, Krista Jisu ha dongyaba hayu ni grao hanggaiyaba khe bai mani, Madai nangjaoyaba Krista Jisu ni Apostol ni phrang

² Ani basa hamdao thaoyaba Timothe, Abai Madai ode jini Gabra Krista Jisu ni phrang khasaoma, hamjaoma, ode shanti de nini ha dongpha thing.

Khajama ni grao thiyaba ode khah shanti

³ Jini grengrao dangba lai, hamba hamya tharmaiyaba gathar jadao thaoyaba boni khusi khe ang dangyaba Madai niha ning khajama ni grao khe ang thi du. Bo sain hor ang Madai biyaba buthu ha nisi khe wainso ha du.

⁴ Nini mudi buthu khe ang wainso ha du, khajama ha ang gablai phu mani khlai hi hamsi ning ang ning khe goron ma nangjao du.

⁵ Lonma gibi gibi nini ha dongyaba khe ang hamsisi tharmai du, bo lonma de jenba ni phrang nini badai Loisi niha dong ba, odehe nini buma Euniki nihabo dong ba, nini habo dong thi hi ang gibi jang tharmai du.

⁶ Odebani se, nini basao ha ang yao dengba ha, Madai riyaba ning maiyaba khe wainso hi jing ri mani khlai hi ning khe ang phin thiphin du.

⁷ Madai de khin mani bese jinthane riya, khusi dang phuyaba raothai jang, hamjaoma ode jar khe grao sibringyaba bese khe se bo jinthane ri ba.

⁸ Odebani, jini Gabra ni grao khe bai mani khlai hi da laji, boni khlai hi phatho ha dongba khebo malai khe da laji. Madai ni raothai khe yaowai hi hamba graojma ni khlai hi dukhu khe malai jang yaowai pha lai lah.

⁹ Bode jing khusi dang bani niya hi, bo khusi dangma baoyaba ning ode boni khasaoma jang se bo jing khe sogo hi, gathar longyaba jang bo jing khe long ba. Bo khasaoma de bubli jama ni sagang ha ning Krista Jisu ha bo jinthane yaopha kha.

¹⁰ Bokhe duha de, bo jing khe sogoyahba Krista Jisu nujao phaiyaba ha, duhabo phnujao kha. Bo se thiyaba khe sjam hi, hamba graojma ni hayu ni balam ha ode raothai khe bo phnu kha.

¹¹ Bo hamba graojma khe bai mani ode haijaoyasa ar slingriyasa ne ang saikhoya kha.

¹² Olei bani se, elei ang dukhu khlai ba. Thikhabo, ang lajiya, snadi khe ang lon ba ang tharmai la du; ode, bo basain sosi ne khlai hi boni ha jing deng riyaba khe, bo naiso hi deng phu nang thi hi ragao sisi ang mithi du.

¹³ Krista Jisu ha dongyaba lonma jang hamjaoma khe la hi, ani phrang grao gibi ning khnayaba buthu khe la lah.

¹⁴ Hamba jinis buthu nini ha deng ri hi dongyaba khe, jini ha dongyaba Bese Gathar ni juruma jang hamsisi raokhi hi deng lah.

¹⁵ Asia raji ha dongyarao khrip bo Phugela jang Hermogen sosi ang jang degao kha thi hi ning tharmai du.

¹⁶ Gabra ning Onesiphora ni nokhor khe khasaoma ri la thing, bede thikhade bo ang khe alang alang masayaba se, ang sikol khajaoyaba khebo bo laji phaya.

¹⁷ Rom habo sophai hi khah jang muh jang smai hi smai hi bo ang khe goron ba.

¹⁸ Ephesi habo hamsi ning ang khe bo juruyaba khe ning tharmai du. Gabra ning okhali ni basain ha de boni khasaoma khe mai ri la thing.