2 KORINTH 2 - DARA GADAIN N.T. with PSA and PRO (BSI)

¹ Odebani, ang jarni khah ha edehe salai kha; phin nisi niha khah waimu lahi ang phaiya kha.

² Bede thikhade, ang nisi khah waimu nang ri kha la, ang khe khusi riyaba sere ja ma, khali olei ang khe khaja riyaba ja ma?

³ Ang phaiba ha ang khe khaja riyarao ning ani khah khe sa riya mani khlai hibo laisi khe ang reb ha ba se; ani khusi khe nisi jamthar si nisi khe ang lon ripha du.

⁴ Khah dukhu jang khah waimu ode mudi galai hi se ang reb ha ba, nisi dukhu jaya mani, nisi khe ani khasaoma hamjaoma khe nisi ne tharmai ridao mani khlai hi se ang reb ba.

Gajai ni phrang khah phin bani map

⁵ Thikhabo, asaba khebo dukhu ha so rikha de, ani basao ha soriba niya, bara hi thibabo niya, khaisa basain nisi khebo dukhu riba se.

⁶ Oleiyaba subung de gabang subung jang dukhu rijaoba ning ja kha.

⁷ Thikhabo, duha de ebo thane hamdaoyaba de boni gajai khe map khlai hi santi ri lah, bede thikhade olei dukhu hamsi ning jakha de subung waimu jang gmang giji jajao nang.

⁸ Odebani, bokhe nisi hamjaoyaba khe gejeb dao ri phin mani khlai hi, nisi khe ang khainsu du.

⁹ Elei bani se laisi khe ang reb ha ba: nisi khrip gede ha grao mani hi khrangphain nisi khrang du thihi ang mithi phu mani khlai hi.

¹⁰ Sere khe nisi map khlai du angbo bokhe map khlai du. Asaba jinis khebo ang map khlai kha de, nisi ni khlai hi Krista ni sagang ha ang map khlai du.

¹¹ Ode niyakha de, Soithan ang khe gasep ma se, bede thikhade boni baothai khe mithiya niya.

Troas ha Paul ni khah waimu

¹² Krista ni hamba graojma sainthi mani Troas ha ang so hi, Gabra ning anthane khlai hi masi derga khuru ri kha;

¹³ thikhabo, oraha ani daphlung Tita khe ang nuya bani ani khah ha khaja phuya. Odebani, bonsi khe khlim hi, Makedonia raji ha ang thang la kha.

Krista ni khlai hi de ba

¹⁴ Thikhabo, Krista ha bo deyaba ha ang khe langsmaiyaba ode jing khe yaowai hi khrip hathan ha bo jarni gyan bahai khe saidrayaba Madai niha ning khajama ni grao dong thing.

¹⁵ Sogo jaosaiyarao ni bising ha ode jamsaiyarao ni bising ha ning jing de Madai ni khlai hi Krista ni bahai midim jing ning ja kha.

¹⁶ Saosi ni khlai hi thihyaba ni phrang thihyaba bahai jing ja kha, gibin subung ni khlai hi hayu ni phrang hayu ni bahai midim jing ja kha. Bo jinis buthu ha la sere ning sothar si ja nang?

¹⁷ Gabang subung de Madai ni grao khe bephar ha bonsi yaowai ba lai, jing de yaowaiya; Madai haiba lai, Madai ni muh ha, Krista ha ning, gibi jang grao khe jing sainthi re.