2 KORINTH 12 - DARA GADAIN N.T. with PSA and PRO (BSI)

Paul nuyaba jang nujaoyaba khebo bai ba

¹ Jing sanggama nang du. Musi lab giri lakhabo aniha Gabra nujaoyaba jang grao baiyaba buthu khe ang thipha lang ma se.

² Krista ha dongyaba subung saosi khe ang tharmai du, bo de nokha maithai jhi bri lailang hi sorgo thak tham ha sugu lang jao hi dong ba, saomang ha bo dongba na saomang ni phrang langjao hi dong ba ang tharmaiya, Madai se tharmai ba.

³ Odehe, bo subung khe, Paradis ha susa langhi dongba thihi ang tharmai du, saomang ha dongba na, saomang ni phrang langjao hi dongba ang tharmaiya; Madai se tharmai ba.

⁴ Bo subung de, jinis thi thaoyayaba, subung thi thaoyayaba bo khna ba.

⁵ Oleiyaba subung ni basao hade ang sanggama se; thikhabo angde ang jar raoyayaba khe garhi de, ang sangga nang niya.

⁶ Jar khe ang sanggama nangjao la khabo, ang grao gibi khe thima se bani, jinis gibir jayaba de ja nang niya. Thikhabo, ang grao mathao du. Ode niyakha de, bonsi asababo ang khe nuba lai ode, ani phrang grao khnayaba tha bara hi ang khe gedeba baojao nang.

⁷ Odehe, nisi khna riyaba buthu hamsi ning bak ja bani jing gabang muilo gnang se baoya mani khlai hi, ani saomang ha jilik rijao hi ang dong, Soithan ni haijaoyasa, subung khe dukhu riyaba khe jing muilo gnang baoya mani jing khe naiso ginyaba.

⁸ Ebo grao ha de, ang jang gajain japhu mani khlai hi Gabra khe phintham ang khainsu ba.

⁹ Thikhabo, bo ning aniha thi ba, Ninthane khlai hi khasaoma ning ja kha, ani raothai de raoyayaba ha phura jahi dong thi, bo ang khe thi ha ba. Odebani, Krista ni raothai khe ani basao ha so phu mani khlai hi, ang raoyayaba buthu khe khajama jang ar ang sanggadao ma se.

¹⁰ Odebani, Krista ni khlai hi de, raoyayaba buthu ha rege jaoyaba buthu ha, gaso suso buthu ha, sujaoyaba buthu ha, ode hamya goronyaba buthu ha de gibi jang ning ani khah mani kha; ang raoyaba ha se ang rao ba.

Korinth ni khlai hi Paul ni khah waimu

¹¹ Ang gibir ja kha! Nisi ning ang khe elei ja mani slamba se: nisi ang khe thiba majang mane se ang elei ja ba thi. Ang de musi niya lakha bo, haijaoyasa gedeba nisi thiyaba buthu thane musi habo ang hilik daoya.

¹² Haijaoyasa gibi ni sin de, khrip balam ha khah laoma khe lahi, sin buthu, jinis gmang thaosisiyaba buthu, nisi ni gejer ha dang hi phnu kha.

¹³ Ning snadi balam ni grao ha gibin longjomrao khrip thane khom ja ba? Ebo gajai khlaiyaba ha ang khe map khlai lah.

¹⁴ Nai lah, duha nisi niha ang phai mani salai ba phintham ja kha. Nisi bubain risi ja mani ang nangjaoya, bede thikhade nisi ni somphothi khe niya, nisi khe ning ang nangjao ba se. Basathu se bonsi ni buma bupha thu ne khlai hi bonsi bojom khlaiya, buma buphathu se bonsi ni basathu ni khlai hi se bojom khlai re thi.

¹⁵ Nisi ni bese buthu ne khlai hi ani ha khrip dongyaba khe khusi jang ang yaowai thar nang, angbo ebo khe yaowai thar ma se. Ang nisi khe ar hamjaodao bani nisi ang khe hamjaoma bangyadao ma na?

¹⁶ Bede thikhade, nisi ang jang jo phaya kha de grao masi ja thing, nisi de jar giriklai bani jar lab ja mani khlai hi, hajora yaowai hi bo ang khe thokhi du thihi nisi thi du.

¹⁷ Nisi niha ang subung haihayarao asaba khebo yaowai hi nisi buthu lab ja mani nisi khe ang yaowai ba na somo?

¹⁸ Tita khe nisi niha thang mani khlai hi ang khainsu ba, ode bo jang baosi subung saosi khebo ang haiha ba. Tita se lab ja mani khlai hi nisi khe bo yaowai ba na? Bese masi jahi jing khusi danglaiya na somo? Masi jahi jing yaowaiya na somo?

¹⁹ Ebo khrip bubli ni bising ha nisi ni sagang ha jarni balam ha grao thiba thi hi ang khe nisi bao ba na? Madai ni muh ha thiba se nisi mithiya Krista ni grao thiyaba khe. Hamdao thaoyarao, khrip ha nisi ham mani gaja se jing dang ba.

²⁰ Ang phaiba ha ang baoba lai nisi khe ang nuphaiya jao nang thihi ang thi ba, ang khe bo nisi numa nangjao ba lai ang khe nisi nuya jao nang thihi ang khin du. Nam jalaiba ja thing, hingsa ja thing, phuthan ja thing, gaso suso ja thing dong jao nang;

²¹ ang phaiphin ba ha, duha ni sagang ha phap khusi ode rege rege nisi dang re, khah nang baiyaba buthu ar gaora ja baiyaba khah phinyaba ni ang gra ri nang, ani Madai jang nisi laji phnu jao nang thihi bo ang khin du.