2 KORINTH 10 - DARA GADAIN N.T. with PSA and PRO (BSI)

Paul jar dangjenyaba

¹ Ang, Paul ning Krista ni gasainma jang maigru gru jahi ang nisi khe khainsu du. Ang nisi ni gejer ha mukhang naipha lai hi malai ni hukhum bakhla ha dong du, gajain ha nisi ni gede raothe the songhi ang dong du.

² Saomang ni subung gibiyaba lai dongthai ha ang khe wainsoyaba gejesi ni basao ha, ang phaiba ha khitha rao hi ang dongrao nang thihi ang mithi du; olei ang dongma nangya mani nisi khe ang khainsu du.

³ Habsao ha dong lakha bo, habsao jbah nanglaiba lai jing nanglaiya.

⁴ Jini jbah ni yaodi buthu de habsao ni gainsari buthu niya, khorongma khe ru phuyaba, Madai ni raothai gnang ning ja kha.

⁵ Bonsi ni dongthan khe jing ru pha lang hi, Madai ni gyan khe gaso suso khlaiyaba, phuthan jayaba si khe disai phalang hi, khrip jadi baothai khe Krista ni grao maniyaba ni leng ha jing dismai re.

⁶ Nisi grao maniyaba khe bo phura jakha ning, grao maniyayaba si de saja mai mani jar khe salai la ba se.

⁷ Nisi ni sagang ha jinis dongyaba khe nai lah. Sere Krista ni ning thihi jar khe bao kha de, phin baophin la thing; bo Krista ni ja ba lai ning jingbo japha kha.

⁸ Nisi buthu khe hamya khlai mani niya, nisi khe hamba khlai hi se Gabra anthane hukhum riyaba khe, ang sangga bangyaba bo ja la phu re, thikhabo ang lajiya.

⁹ Ang laijma haihayaba buthu ha nisi khe sigring ma bao ba lai ang khe da bao.

¹⁰ Boni laijma buthu de risi bi ode khurang rao bi, boni saomang jing nuba ha de, bupa maigru gru se, bo grao thiyaba ja kha de, khna haya jabu du, thiyaba bo dong.

¹¹ Olei baoyarao de, ebo khe buji la thing; nisi niha ang phai mani sagang ha laijma ha ang thiba lai jasosi jing phaiba ha ang dang nang.

¹² Gejesi jar khe jar thiba majang ri layaba ni bising ha de ang sainpha raoya, bonsi jang baosi bo jing suhi thiraoya. Bede thikhade, bonsi jar jang jar sulai du, bonsi jar jar khe sugu lahi bonsi niha hamba baothai giri.

¹³ Thikhabo, ang de hari ni baji hade sangga nang niya, Madai ning jinthane hari riyaba bising ha sosi se ning jing sangga ma; boha nisi bo gajeb phajao du.

¹⁴ Jini hari khasiba ni khlai hi, Krista ni hamba graojma khe nisi niha jing so ri hi, bokhe lailang hi jing thangya.

¹⁵ Jini hari banar gede ha gibin subung buthu dukhu khlaiyaba ni basao ha jing sanggaya; bede thikhala nisi ni lonma dedao phalang hi, nisi ni bising ha jinis dedao hi dangpha langma se thihi jing asa khlai du.

¹⁶ Odebani, nisi ni raji khe lailang hibo hamba graojma khe thipha langma se; thikhabo malai dangya bani basao hade jing sangga nang niya.

¹⁷ Sere sangga du, bo Gabra ha sangga la thing.

¹⁸ Jar khe majang ri la hi thiyarao khe de ajaoya. Gabra khe thiba majang riyarao khe se ning ajao ma.