1 PETER 4 - DARA GADAIN N.T. with PSA and PRO (BSI)

Hayu gibin jayarao

¹ Odebani, Krista ning jar ni saomang ha dukhu khlai kha bani, nisibo olei ning boni baothai khe yaodi khlai hi yaowai lah, asaba habo saomang ha dukhu khlai kha de, bo phap khe dangkhlai re.

² Odebani, ebo phirthi ha boni hayu yaowai mani thaoyaba khrip ha subung ni mijingma buthu ha thangya hi, Madai ni nangjaoma ha thanghi dong mani khlai hi se.

³ Jentailrao ni nangjaothai, gaori jayaba, saomang ni mijingma, ju baola jayaba, ju ni hathan ha khajayaba, ode saokhuli khlimba regeyaba buthu, sagang ni basain ha haglai basain phalaiyaba ning jakha.

⁴ Duha bonsi nangjaoma ni dongthan ha nisi dongya kha bani bonsi gmang ba, odebani nisi khe bonsi sijiba se.

⁵ Thikhabo, subung githi jang subung thanghi dongyarao khe bisar salai blai hi dongyarao niha bonsi ni hamba graojma khe bonsi sainthi ma nang du.

⁶ Elei bani se subung githirao niha bo hamba graojma khe khna riba, bede thikhade gibin subung buthu lai ning subung ni saomang ni balam ha bisar khlai khali ha, Madai ni sagang ha bese jang bonsi thanghi dongphu mani khlai hi.

Madai jinis riyaba khe naisoya hambarao

⁷ Khrip jadi jamthao mani bubli sampha kha; odebani, nisi bi phu mani khlai hi khah ha girik hi salai dada dong lah.

⁸ Khrip gibin jinis thane nang daothaoyaba de ebo se, nisi saosi jang saosi khe maya nanglai lah, mayama jang gabang phap khe gasep phu du.

⁹ Berya hi nisi naorai jalai lah.

¹⁰ Madai ni khasaoma jang jinis riyaba jadi gibin gibin naisoyaba hamba buthu lai, jinis riyaba nisi maiyaba si khe khusi dang ri lai mani khlai hi yaowai lah.

¹¹ Asaba bo grao sainthi khade, Madai ni grao buthu khe ning sainthi la thing; asaba bo khusi dang khade, Madai raoma ri ba lai ning dang la thing; odese, Jisu Krista ni khlai hi Madai khe khrip ha muima khlai phu ma. Muima jang raothai thaoglao thaoglao boni gaja se. Amen.

Kristian ni dukhu

¹² Ani hamjaoyarao, nisi khe nainai mani nisi ni bising ha nai naiyaba dukhu sophaiba ha, nisi ni basao ha gmang thaosisi jinis sophaiba lai nisi da gmang lah.

¹³ Nisi Krista jang dukhu khlai phayarao se bani khaja lah; bo muima jang nujao phaikha ning, nisibo khusi jahi khajama jang nisi jirik khao phuma ni khlai hi se bao lah.

¹⁴ Odehe Krista ni bumu ni khlai hi nisi jajao kha de nisi ni khophal hambi; bede thikhade muima ni bese, Madai ni Bese nisi niha dongba se.

¹⁵ Nisi ni bising ha asababo sthai bani ja thing, makhao bani ja thing, phap khusi dang bani ja thing, niyakha la malai khe gaso suso khlai bani ja thing, dukhu da mai thing.

¹⁶ Nisi Kristian jaba ni dukhu mai khade, da laji lah; Krista ni bumu jang se bani Madai khe bakhan khlai lah.

¹⁷ Bisar jen mani bubli ja kha, Madai ni nohkhor buthu ni phrang ning jen ma se. Jini phrang jen ma thikha la, Madai ni hamba graojma khe maniyayarao jamthaoba ha bedehe ja ma kho?

¹⁸ Odehe, Madai ni laisi ha, Dormo subung ning goba du kha la, Madai khe khiyal khlaiyarao ode subung phaphirao la bede ja ma kho? bo thiba lai.

¹⁹ Odebani, Madai nangjaoba lai dukhu khlaiyarao hamba khusi dangpha lang hi bonsi ni bese khe slamyaba lonjaoma gnang niha deng ri la thing.