1 KORINTH 4 - DARA GADAIN N.T. with PSA and PRO (BSI)

Krista ni haijaoyasarao

¹ Jing khe Krista ni dangyasa ode Madai ni grao makhao khe naisoyaba thi hi malai jang baojao thing.

² Oraha, naisoyarao de subung lonjao gnang ja ma nang re.

³ Nisi ning ja thing, subung ni baothai ja thing, nisi ang khe nai naiyaba de, anthane khlai hi jinis basasayaba se, ang jar khebo jar nai nailaya.

⁴ Jar khe siji mani musibo jing tharmaiya, thikhabo, ebo jang bo jing khe gajai jadaoya, bo ang khe nai naiyaba Gabra se.

⁵ Odebani, Gabra phaiya si de, boni bubli jaya kho, saosi khebo da badai lah. Boha de, andar ha thim hi dongyarao khe jnayaba ha bo phnu nang, khah ha khusi dangma baoyaba buthu khe khaikho hi phnu ma se. Boha se bonsi khrip subungbo jar khusi dangba lai Madai ni bakhan khe bonsi mai lai ma se.

⁶ Daphlungrao, grao reb hi dongyaba khe lai langya mani thiyaba khe nisi slingphu mani, ang jang Appolo khe daogari nai mani khlai hi jing phnu du, saosi khebo saosi khe sugu hi gibin saosi khe bakhla ha dengya mani khlai hi.

⁷ Sere malai thane gibin khlai daohi nisi khe slam ba? Nisi maiya kha la, nisi niha snadi dong ma? Nisi mai kha thikhade, snadi jabani jinis riyaba khe maiya lai nisi phuthan ja ba?

⁸ Nisi nangjaoyaba buthu khe khrip nisi mai hi, nisi gnang ja kha na? Jing giri hi, nisi raja ja kha na? Nisi ni gede jahi jingbo raja ja mani, nisi raja gibi gibi ja mani ang nangjao du.

⁹ Madai ning jing haijaoyarao khe de, thi mani salai blai ba lai, bo yaohonthao habo jing khe daogari phnu ba lai jing bao du; habsao odehe sorgo ni deglarao odehe subung buthu jang mini jaoyaba jing ja kha.

¹⁰ Jing de Krista ni khlai hi subung gibir ja kha, thikhabo Krista ni khlai hi nisi girikyaba subung ja kha. Jing de bol raoya, thikhabo nisi de bol rao bi. Nisi de malai jang man khlaijao du, thikhabo jing de naislejao du.

¹¹ Duha sosibo hukhrijao hi dih gangjao hi ang dong, gainsari bo giri hi, malai ni yao madaojao mani jing dong ba, jini dongthan bo gibi giri;

¹² jini yao jang khusi dang hi, jing hamsi ning dukhu khlai re, malai jing khe joba ha hamthai ri ba, malai jing khe suba ha dukhu khah lao ba;

¹³ malai jing khe jothai ba ha gasain dik dik jing thiphin re. Dini ni basain sosi bo habsao ha dangkhlai jaoyaba, khrip jadi jabai lai jing ja kha.

¹⁴ Ebo grao de nisi khe laji phnu mani ang reb ba niya, ani basa hamjaodao thaoyarao lai nisi khe sibring mane se ang reb ba.

¹⁵ Krista ha de dismaiyaba boni ha rjing ji dong la kha bo, bupha de gabang giri. Krista Jisu ha de hamba graojma ni khlai hi ang nisi ni bupha ja kha.

¹⁶ Odebani, ang khe daogari nai mani khlai hi nisi khe ang khainsu du.

¹⁷ Olei bani se, Timothe ani basa hamdao thaoyaba odehe lonma gnang khe nisi niha ang haiha ba; bo ning Krista ha ani dongthai khrip hathan ni longjomrao ne slingriyaba khe, bo nisi ne wainso riphin nang.

¹⁸ Ang nisi niha phaiphin nang niya kha lai gejesi de hamsi ning sangga ba.

¹⁹ Thikhabo, Gabra nangjao kha de, nisi niha ang sangga ning phaiphin ma se. Boha se olei subung sanggayarao ni grao khe se ning niya hi, bonsi niha snadi raothai dong ba jamthar si ang tharmai ma se.

²⁰ Madai ni raji de grao ha se ning asa dengya, raothai ha se bonsi asa deng ba.

²¹ Snadi khe nisi nangjao du? Goda jang nisi niha ang phaima na hamjaoma jang na maigru gruyaba khah jang?