1 KORINTH 3 - DARA GADAIN N.T. with PSA and PRO (BSI)

Melma degao laiyaba

¹ Thikhabo daphlungrao, bese ni subung buthu niha sainthiba lai nisi niha ang grao sainthi phuya; saomang ni subung, Krista ha nana jahi dongyarao niha lai se ang sainthi ba.

² Makham raothao khe nisi ji phuya bani, makham raothao niya hi, gakher jang ang nisi khe khrang ba. Duha sosibo nisi de ji phuya kho,

³ saomang ni subung se bani. Nisi ni bising ha hingsa jang nam khormu dong du si de, saomang ni subung, subung ni gibi ha nisi dongyaba niya na somo?

⁴ Nisi ni bising ha, Ang de Paul ni dol se, Ang de Apollo ni dol se, thiyaba grao dong du si de, nisi saomang ni subung niya na somo?

⁵ Dei thikha la, Apollo la snadi? Paul bo snadi kho? Bonsi nisi khe lonphu mani khusi dangyaba se ning, bo khebo Gabra ning bonsi ne khusi riba lai khusi dangpha langyaba se.

⁶ Ang gai ba, Apollo dih lu ba, thikhabo, juruyaba de Madai se.

⁷ Odebani, bonsi khe juruyaba Madai khe garhi de, bokhe gaiyaba jang dih luyaba bo bonsi musibo niya.

⁸ Bokhe gaiyaba jang dih luyaba de baosi se, bonsi dukhu khlai ba lai ning bonsi baosi yaosandi mai ma se.

⁹ Jing de Madai ni khlai hi se dang lai ba; nisi de Madai ni haphai ar Madai noh slamyaba se.

¹⁰ Madai, anthane khasaoma riba lai ning, noh dangba ringba lai ang boni longthai gai ba, boni basao ha se malai noh dang ba. Thikhabo bonsi noh dang bani balam ha girik lai la thing.

¹¹ Longthai gai mani salaiyaba khe garhi de saosi bo longthai gibin gai phu nang niya; bo longthai gaiyaba de Jisu Krista khe se thi ba.

¹² Bo longthai gaiyaba ni basao ha de asababo gajao jang ja thing, rang bagrai jang ja thing, muilo gnang longthai jang ja thing, bondo jang ja thing, saman ba lai ja thing, sainjao jang bo dang kha de,

¹³ khrip subung khusi dangyaba nujao ma, boni basain jang bo nujao ma se, wai ha bo nujao ma se bani, wai de khrip subung khusi dangyaba khe ragao ri phuma se.

¹⁴ Bo longthai gaiyaba ni basao ha asaba noh dang khabo, bo khamya kha de, bo subung de yaosandi mai nang;

¹⁵ asaba subung noh dang khabo kham kha de, bo subung de luskan jama se, thikhabo gibiyaba de, sogojao ma se, bede thikhade, bo wai khe lai lang ba lai ja ma se.

¹⁶ Madai ni bikhoh nisi ning, odehe Madai ni Bese nisi niha dong thihi nisi tharmaiya na somo?

¹⁷ Sere Madai ni bikhoh khe hamya khlai du, Madaibo bokhe hamya khlai ma se. Madai ni bikhoh de gathar se thi, bo bikhoh de nisi ning ja kha.

¹⁸ Saosi bo jar khe da thokhi la thing, nisi ni bising ha sere duha ni bubli ha jar khe jar gyani bao du, gibi jang gyani japhu mani khlai hi bo gibir ja da la thing;

¹⁹ Ebo habsao ni girikma de Madai ni baothai ha de gibir se. Madai ni laisi ha reb ba lai, Bo de subung gyanirao khe bonsi ni gyan girik laiyaba ha ning bo sagai la re,

²⁰ Odehe, Gabra de subung gyanirao ni baothai buthu de haglai se thihi bo mithi du, thihibo reb du.

²¹ Odebani, saosibo subung buthu de da sangga la thing; khrip jadi nisi ni gaja se.

²² Paul ja thing, Appolo ja thing, Kipha ja thing, habsao ja thing, hayu ja thing, thiyaba baiyaba ja thing, duha ni bubli ja thing, bubli sophai ginyaba ja thing, bo khripbo nisi ni gaja se.

²³ Odehe, nisibo Krista ni se, Kristabo Madai ni se.