Zaburi 95 - Digo Bible

Wira wa kumtogola Mlungu

¹ Ndzoni humuimbire na raha Mwenyezi Mlungu! Nahumpigireni njerejere mwamba wa wokofu wehu!

² Nahusengereni mbereze na mioyo iriyo tele shukurani, nahumshangilie na mawira ga kumtogola!

³ Mana Mwenyezi Mlungu ni mkpwulu, ndiye mfalume mkpwulu kushinda milungu yanjina yosi.

⁴ Dunia yosi ni yakpwe, kula vivwa vya dunia, hadi virere vya myango ni vyakpwe.

⁵ Bahari ni yakpwe, mana waiumba mwenye; tsi kavu nayo ni yakpwe, ndiye ariyeiumba.

⁶ Ndzoni humsujudiye, humuabudu, nahuchite mavwindi mbere za Mwenyezi Mlungu, ariyehuumba!

⁷ Mana iye ndiye Mlungu wehu, naswi hu atue, mangʼondzige amanyirirago. Rero phundzani agombavyo,

⁸ “Msihende mioyo yenu kukala mifu, dza akare enu arivyohenda hiko Meriba, dza arivyohenda siku hizo, ariphokala a hiko weru wa Masa.

⁹ Mana hiko anijeza na kunipima, hata dzagbwe aona nrivyoahenda.

¹⁰ Kpwa miaka mirongo mine chivyazi hicho nachitsukirirwa, nchiamba, ‘Atu hano ni atu a maazo mai siku zosi, nao taamendze kulunga njira zangu.’

¹¹ Kpwa hivyo náreya na nchiapa, nchiamba, ‘Taandainjira phatu phangu pha kuoya.’ ”