Zaburi 70 - Digo Bible

Kuvoya msada

Kpwa chilongozi wa aimbadzi. Wira wa Daudi kuhusu sadaka ya ukumbusho.

¹ Hamirwa ni kunikombola, ee Mlungu! Henda wangbwi wedze uniterye, ee Mwenyezi Mlungu!

² Naagbwirwe ni haya na aangalale, aho alondao kuniolaga. Naauyizwe nyuma na kukoserwa ishima, aho alondao niphahwe ni mai.

³ Hinyo anaonitseka, naauyizwe nyuma kpwa waibu wao.

⁴ Hinyo anaokuendza uwe naahererwe na akale na raha kpwa sababuyo. Hinyo amendzao wokofuo, wakati wosi naambe, “Mlungu ni mkpwulu!”

⁵ Ela mino ni mchiya na mgbwayi, ndzo upesi, ee Mlungu! Uwe u msada wangu na ndiwe unikombolaye, ee Mwenyezi Mlungu, usikae!