Zaburi 54 - Digo Bible

Voyo ra kulonda kurindwa na maadui

Kpwa chilongozi wa aimbadzi. Kpwa kuhumira vifwaya vya nyugbwe. Wira wa Daudi arioutunga wakati Azifu ariphophiya kpwa Sauli kpwendammanyisa kukala Daudi akadzifwitsa kahi zao.

¹ Nitivya kpwa dzinaro, ee Mlungu, amula kukala sina makosa kpwa nguvuzo.

² Phundza mavoyo gangu, ee Mlungu, phundza maneno nigombago.

³ Mana atu ayi akaniunukira atu makatili analonda kuniolaga atu asiojali Mlungu.

⁴ Namanya Mlungu ndiye aniteryaye, Mwenyezi Mlungu ndiye aniikaye moyo.

⁵ Andariphiza maadui gangu na uyi wao enye. Kpwa sababu ya uaminifuo, uabanange.

⁶ Nindakulavira sadaka ya hiyari, nindakushukuru, ee Mwenyezi Mlungu mana ni vinono.

⁷ Ukanikombola na tabu zosi nami nkadzionera aviha angu achiturywa.