Zaburi 43 - Digo Bible

¹ Niamula kukala sina makosa, ee Mlungu, nikanira na taifa risiromanya Mlungu, nitivya na atu a handzo na ayi.

² Uwe Mlungu ndiwe nkuchimbiriraye, mbona unaniricha? Kpwa utu wani niangaike na sonono kpwa kuteswa ni maadui?

³ Ningʼazira mwangao na kpweliyo inilongoze, iniphirike kuriko na mwangoo mtakatifu kahi ya makalogo.

⁴ Hipho ndaphiya phatu pha kulavira sadaka pha Mlungu, kpwa Mlungu ariye furaha yangu kulu nindakutogola kpwa ngephephe ee Mlungu, Mlungu wangu.

⁵ Kpwa utu wani moyo wangu unasononeka? Kpwa utu wani nayugika mwangu moyoni? Mkuluphire Mlungu, mana nindamtogola tsona iye, muokoli wangu na Mlungu wangu.