Zaburi 3 - Digo Bible

Mkuluphire Mlungu wakati wa tabu

Zaburi ya Daudi ariyoitunga wakati anachimbira mwanawe Abusalomu.

¹ Ee Mwenyezi Mlungu, aviha angu ni anji! Anji ananiunukira!

² Anji ananigomba, anaamba, “Mlungu kandamtivya tse!”

³ Uwe Mwenyezi Mlungu ndiwe ngao yangu. Uwe ndiwe nguma yangu, na ndiwe unitiyaye moyo.

⁴ Nkumuiha Mwenyezi Mlungu aniterye, naye nkunijibu kula mwangowe mtakatifu.

⁵ Kpwa sababu Mwenyezi Mlungu ananirinda, nkudziambalaza nkulala na nkalamuka salama.

⁶ Siogopha maelufu ga maadui achiodzipanga chinyume changu chila uphande.

⁷ Unuka ee Mwenyezi Mlungu! Nitivya ee Mlungu wangu! Wanga makofi maadui gangu, angʼole meno na uariche bila ya uwezo.

⁸ Wokofu ula kpwako uwe Mwenyezi Mlungu. Barakazo nazikale dzulu ya atuo.