Zaburi 23 - Digo Bible

Mwenyezi Mlungu ndiye aniroromaye

Zaburi ya Daudi.

¹ Mwenyezi Mlungu ndiye mrisa wangu, nami sindaphungukirwa ni chitu chochosi.

² Nkunihenda ntindizhe phenye mjina mnono, na kunilongoza phatu pha madzi manono,

³ nkunipha nguvu nyiphya. Iye nkunilongoza njira za haki, kpwa ajili ya dzinare.

⁴ Hata nchitsupira kpwenye dete renye chilungulungu cha jiza, na hatari ya chifo, sindaogopha mai. Mana uwe u phamwenga nami, gongoro na ndatayo nkuniphoza marenda.

⁵ Unaniandazira karamu kuno maadui gangu ganalola. Ukanimwagira mafuha phangu chitswani ili kuniishimu, na kuodzaza chikombe changu hadi chinafurika.

⁶ Hakika unonoo na mbazizo zindanilunga siku zosi ndizo kala moyo. Nami nindasagala nyumbani mwa Mwenyezi Mlungu hata kare na kare.