Zaburi 15 - Digo Bible

Msena wa Mlungu

Zaburi ya Daudi.

¹ Ee Mwenyezi Mlungu, ni ani ndiyesagala mwako hemani? Ni ani ndiyeishi dzulu ya mwangoo mtakatifu?

² Ni yuya asiye na makosa, ahendaye haki na kugomba kpweli kula mwakpwe moyoni.

³ Mutu ambaye kaochera atu ngulu, na kamuhendera mai msenawe wala kusengenya jiraniwe.

⁴ Ni yuya ambaye kana shuuli na atu ayi, ela anaishimu hara anaoogopha Mwenyezi Mlungu, na achiapa kuhenda utu kabadilisha hata dzagbwe ganamtiya hasara.

⁵ Ni yuya ambaye achiaphasa pesa, kalonda fwaida, na kahala hongo ili aonere asio na makosa. Mutu ahendaye higa kandakakamiswa ni utu ta kare na kare.