Zaburi 13 - Digo Bible

Voyo ra kulonda kutivywa na maadui

Kpwa chilongozi wa aimbadzi. Zaburi ya Daudi.

¹ Ee Mwenyezi Mlungu undaniyala hata rini? Dze, undaniyala hata kare na kare? Undanilozera kogo hadi rini?

² Dze, roho yangu ni ivumirire utsungu, na kusononeka chila siku hadi rini? Maadui gangu gandaniturya ta rini?

³ Gapime na unijibu ee Mwenyezi Mlungu, Mlungu wangu, nitiya nguvu nsedze nkafwa.

⁴ Sedze maadui gangu gakaamba, “Hukamturya,” na aviha angu akahererwa kpwa sababu nkashindwa.

⁵ Ela mino nakuluphira mendzwayo isiyosika, moyo wangu unahererwa kpwa sababu ya wokofuo.

⁶ Nindamuimbira Mwenyezi Mlungu kpwa sababu akakala mnono kpwangu.