Zaburi 127 - Digo Bible

Bila Mlungu kazi ya mwanadamu taifwaha chitu

Wira wa kuambukira mwango Sayuni shareeni. Wira wa Selemani.

¹ Mwenyezi Mlungu asiphodzenga nyumba, hinyo adzengao anahenda kazi ya bure. Mwenyezi Mlungu asiphorinda mudzi, hinyo arindao anachesa bure.

² Ni kazi ya bure kurauka ligundzu na kulala kuchelewa, na kuphaha chakurya kpwa tabu. Mana Mlungu nkuatimizira mahitaji ga anaoamendza na kuapha usingizi mnono.

³ Ana ni urisi kula kpwa Mwenyezi Mlungu, chivyazi ni zawadi kula kpwakpwe.

⁴ Mutu ariye na ana alume wakati kadzangbwetsakala ni dza sujaa mwenye mivi mwakpwe mikononi.

⁵ Baha mutu ariye na ana anji alume dza mutu ambaye ryakare ri tele mivi. Iye kandaifika, wakati anapholumbana na maaduige pho ryangoni.