Zaburi 126 - Digo Bible

Atu a Mlungu ariouyizwa kula utumwani

Wira wa kuambukira mwango Sayuni shareeni.

¹ Mwenyezi Mlungu ariphoauyiza Sayuni atu ariokala akahalwa mateka, hwaona avi hunaloha.

² Miromo yehu yaodzala chitseko na malilimi gehu gachipiga njerejere, halafu atu a mataifa ganjina aamba: “Mwenyezi Mlungu akaahendera mambo makulu.”

³ Mwenyezi Mlungu akahuhendera mambo makulu, naswi huna raha.

⁴ Huuyizire kuongokerwa kpwehu, ee Mwenyezi Mlungu, dza mvula itiyavyo madzi madete makavu ga Negebu.

⁵ Hinyo aphandao na matsozi andavuna na raha.

⁶ Hiye atulukaye na kurira kuno akatsukula mbeyu kpwendaphanda, andauya kaya na njerejere za raha, kuno akatsukula mavunoge.