Zaburi 125 - Digo Bible

Usalama wa atu a Mlungu

Wira wa kuambukira mwango Sayuni shareeni.

¹ Amukuluphirao Mwenyezi Mlungu ni dza mwango wa Sayuni, ambao tauweza kusumbiswa, ela unadumu hata kare na kare.

² Dza vira myango chivyozunguluka Jerusalemu, ndivyo Mwenyezi Mlungu azungulukavyo atue hangu sambi hata kare na kare.

³ Mana atu ayi taandatawala tsi ya enye haki sedze atu a haki akahenda mai.

⁴ Ahendere manono, ee Mwenyezi Mlungu, hinyo ario anono, na hinyo ario na mioyo swafi!

⁵ Ela hinyo anaolunga njira za kubeta-beta, Mwenyezi Mlungu andaausa phamwenga na ahendao mai! Iziraeli naikale na amani.