Zaburi 124 - Digo Bible

Mlungu ndiye mrindzi wa atue

Wira wa kuambukira mwango Sayuni shareeni. Wira wa Daudi.

¹ Mwenyezi Mlungu asingekala uphande wehu, Aiziraeli naambe,

² Mwenyezi Mlungu asingekala uphande wehu, wakati maadui gehu gariphohushambuliya,

³ phahi angehumiza wakati huchere moyo, wakati kala akahutsukirirwa,

⁴ mafuriko gangehuosa, madzi gangehufwinika.

⁵ Hipho madzi ga kukukusa gangetsupa dzulu yehu.

⁶ Mwenyezi Mlungu naatogolwe ambaye kakahuricha kpwenye meno gao.

⁷ Hukaponea dza nyama wa mapha kuponea na muhambo wa muindza. Muhambo ukavundzwa! Naswi hukatiya.

⁸ Msada wehu ula kpwa Mwenyezi Mlungu, yeumba mlunguni na tsi.