Zaburi 113 - Digo Bible

Unono wa Mwenyezi Mlungu

¹ Haleluya. Mwenyezi Mlungu naatogolwe! Togolani, mwi atumishi a Mwenyezi Mlungu. Togolani dzina ra Mwenyezi Mlungu.

² Dzina ra Mwenyezi Mlungu naritogolwe kula sambi hata kare na kare.

³ Kula mlairo wa dzuwa hadi mtswerero wa dzuwa, dzina ra Mwenyezi Mlungu naritogolwe.

⁴ Mwenyezi Mlungu anatawala mataifa gosi na ngumaye i dzulu za ko mlunguni.

⁵ Ni ani ariye dza Mwenyezi Mlungu, Mlungu wehu? Iye asegere dzulu sana, kpwenye chihiche cha utawala,

⁶ iye nkuzama kulola mlunguni na duniani.

⁷ Iye nkuunula achiya kula vumbini na kukpweza agayi kula dzalani,

⁸ na kuasagika phamwenga na akulu, phamwenga na akulu a atue.

⁹ Nkumuhenda tasa akakala na mudzi, nkumuhenda akale na raha kpwa kumupha ana. Mwenyezi Mlungu naatogolwe!