Zaburi 111 - Digo Bible

Mlungu anatogolwa kpwa mahendoge

¹ Haleluya. Mwenyezi Mlungu naatogolwe ndamshukuru Mwenyezi Mlungu na moyo wangu wosi kahi za ngambi ya atu ahendao haki na kahi ya mkpwutano.

² Mahendo ga Mwenyezi Mlungu ni makulu, osi ahamirwao ni gago nkugaririkana.

³ Mahendoge ga tele nguma na mamlaka, na hakiye inadumu hata kare na kare.

⁴ Akahenda mahendoge ga ajabu gatambukirwe, Mwenyezi Mlungu ana huruma na mbazi.

⁵ Nkuapha chakurya hinyo amuogophao na kayala chilaganeche hata kare na kare.

⁶ Akaonyesa atue uwezo wa mahendoge, kpwa kuapha tsi zanjina zikale urisi wao.

⁷ Mahendoge ni ga kuaminika na ga haki, malagizoge gosi ni ga kukuluphirwa,

⁸ ganadumu hata kare na kare gahendwa kpwa uaminifu na haki.

⁹ Wakombola atue na achiika chilagane nao cha kare na kare. Dzinare ni takatifu na ra kuogofya.

¹⁰ Kumuogopha Mwenyezi Mlungu ndicho chandzo cha ikima. Osi alungao malagizoge nkuhewa ufahamu mnono. Sifwaze zindadumu hata kare na kare.