Zaburi 110 - Digo Bible

Mwenyezi Mlungu na mfalumewe ariyemtsambula

Zaburi ya Daudi.

¹ Mwenyezi Mlungu wamuamba Bwana wangu, “Sagala uphande wangu wa kulume, hadi nihende maaduigo akale chihicho cha kuikira magulu.”

² Mwenyezi Mlungu andagoteza uwezo wa ndatayo ya chifalume kula Sayuni, undatawala kahi-kahi ya maaduigo.

³ Anajeshio andadzilavya kukuhumikira kpwa kumendza kpwao siku ndiphophiya vihani. Dzulu ya myango mitakatifu barobaroo andakulunga, dza manena ga ligundzu.

⁴ Mwenyezi Mlungu akaapa na kandagaluza niaye “Uwe u mlavyadzi-sadaka hata kare na kare, ulavyadzio-sadaka undakala sawa na wa Melikisedeki.”

⁵ Mwenyezi Mlungu a uphandeo wa kulume, siku ya tsukizize andasaga-saga afalume.

⁶ Andaamula mataifa na zo tsi aziodzaze nyufu, na andashinda atawala a dunia yosi.

⁷ Iye andanwa madzi ga chidzuho chiricho kanda-kanda ya njira, naye andaunula chitswa kpwa ushindi.