Zaburi 101 - Digo Bible

Chilagane cha mfalume kpwa Mlungu

Zaburi ya Daudi.

¹ Nindaimba kuhusu mendzwayo isiyosika na uamulio wa haki, nindakuimbira mawira ga kukutogola uwe, ee Mwenyezi Mlungu.

² Nindahenda chadi niishi bila lawama. Vino undaniedzera rini? Nindasagala mwangu nyumbani na uaminifu.

³ Sindaruhusu matso gangu galole chochosi chii. Namena mahendo ga atu achiaphuka, sindagbwirana na mambo gao.

⁴ Maazo mai nagakale kure nami sindahenda rorosi ririro iyi.

⁵ Mutu amuocheraye ngulu jiraniwe nindamʼbananga, na sindamvumirira mutu mwenye chibero na anayedzikarya.

⁶ Nindaatundza vinono atu ario aaminifu tsi yosi, nao andasagala phamwenga nami. Mutu asiye na lawama ndiye ndiyenihumikira.

⁷ Wa handzo yeyesi kandasagala mwangu nyumbani. Takuna wa kugomba handzo ndiye sagala mbere zangu.

⁸ Chila siku nindaangamiza mai gosi garigo kahi ya tsi. Niasise kabisa atu ayi kpwenye mudzi wa Mwenyezi Mlungu.