Zaburi 100 - Digo Bible

Wira wa kumtogola Mlungu

Zaburi ya shukurani.

¹ Mshangiliyeni Mwenyezi Mlungu, dunia yosi.

² Muabuduni Mwenyezi Mlungu kpwa raha, ndzoni mbereze kuno munaimba!

³ Manyani kukala Mwenyezi Mlungu ndiye Mlungu. Ndiye ariyehuumba, naswi hu atue. Swiswi hu atue, atu aamanyirirao dza viratu mrisa amanyiriravyo mangʼondzige.

⁴ Injirani mwakpwe maryangoni na shukurani injirani mwakpwe mihalani kuno munamtogola. Mshukuruni na mumtogole.

⁵ Mana Mwenyezi Mlungu ni mnono. Mendzwaye isiyosika indaenderera hata kare na kare, na ni muaminifu chivyazi hadi chivyazi.