प्रकासित वाक्य 7 - चोखो समचार (ढुंढाड़ी नया नियम)

इजरायल का 1,44,000 लोगबाग

¹ ईक्अ पाछ्अ म धरती का च्यारू कुणा प च्यार सरगदूता न्अ उबा देख्यो। वे धरती की च्यारू बाळ न्अ रोक मेल्या छा जिसुं क धरती माळ्अ, सागर माळ्अ या फेर रूंखड़ा माळ्अ बाळ कोन चाल्अ।

² फेर म एक ओर सरगदूत न्अ अगूणी ओड़ी सुं आतो देख्यो। वो जिन्दा परमेसर की मोहर ले मेल्यो छो अर बा च्यारू सरगदूता सुं ज्यांन्अ धरती अर आम्बर न्अ नास करबा को अधिकार दियो गियो छो, वो जोरसुं हाक्‍को पाड़र खेर्यो छो,

³ “जद ताणी म्हे परमेसर का सेवका का माथा माळ्अ मोहर कोन लगा देवा, जद ताणी तु धरती, सागर अर रूंखड़ा न्अ नुकसाण मत पूचाज्यो।”

⁴ ज्यां लोगबागा माळ्अ मुहर लगाया छा, म बांकी गणती सुण्यो। वे एक लाख चुम्माळीस हजार छा। ज्यांप्अ मोहर लगाया छा वे इजरायल्या का हर एक कुणबा मं सुं छा;

^5-8 हर एक कुणबा मंसुं बारा हजार छा मतबल यहूदा, रूबेन, गाद, आसेर, नप्ताली, मनस्सेह, समौन, लेवी, इस्साकार, जबूलून, यूसुफ, अर बिन्यामीन का कुणबा।

जोरकी जळा

⁹ ईक्अ पाछ्अ म देख्यो क एक घणीसारी जळा उबी छी, जिकी गणती कोई कोन कर सक्अ छो। ई जळा मं हर जाति का, हर वंस का, हर कुणबा का अर हर भाषा का लोगबाग उबा छा। वे बी सिंहासन अर बी उण्णेठा क आग्अ उबा छा। वे धोळा लत्ता पेर मेल्या छा अर वांका हाथा मं खजूर की डाळ्यां ले मेल्या छा।

¹⁰ वे जोरकी आवाज मं खेर्या छा, “उद्धार बेई आपणा परमेसर की ज्यो सिंहासन माळ्अ बेठ्‍यो छ जै हो अर उण्णेठा की जै हो।”

¹¹ सबळा सरगदूत उं सिंहासन, बड़ाबूड़ा अर बा च्यारू जीवता जीवां क च्यारूमेर उबा छ। फेर सिंहासन क साम्अ ढंढोज करर वे सरगदूत परमेसर की आराधना कर्या।

¹² वे खिया, “आमीन! आपणा परमेसर की बढ़ाई, महमा, बुद्धि, धन्यवाद, आदरमान, सक्‍ति अर बल जुगजुग होती रव्अ। आमीन!”

¹³ उंई बगत बा बड़ाबूड़ा मं सुं कोई म्हारअ सुं सुवाल बुज्यो, “ये धोळा लत्ता पेरेड़ा लोगबाग कुण छ अर कढा सुं आया छ?”

¹⁴ म जुवाब दियो, “ह म्हारा परबु, म कोन जाणु, तूई जाण्अ।” ईप्अ वो मन्अ खियो, “ये वे लोगबाग छ ज्यो जोरका सताव मंसुं होर आया छ, वे खुदका लत्ता न्अ उण्णेठा का लोई सुं धोर पवितर कर्या छ।

¹⁵ ई बजेसुं अब ये परमेसर का सिंहासन क साम्अ उबा होर बीका मन्दर मं दन रात बीकी आराधना करअ छ। ज्यो सिंहासन माळ्अ बेठ्‍यो छ वो वाक्अ मायन्अ रेताहोया बाकी रक्ष्या करअलो।

¹⁶ बान्अ न्अ तो भूख लाग्अली अर न्अ वे तसाया होव्अला। सुरज वांको कांई कोन बगाड़ सक्अलो अर न्अ जोरका तावड़ा सुं बान्अ तप लाग्अलो।

¹⁷ क्युं क वो उण्णेठो ज्यो सिंहासन क बीच मं छो वो बाकी रुखाळी करअलो। वो बान्अ जन्दगी देबाळा पाणी का धोरा कन्अ लेजाव्अलो अर परमेसर बांकी आंख्या का हरेक आंसुवा न्अ पूच देव्अलो।”