लूका 20 - चोखो समचार (ढुंढाड़ी नया नियम)

अधिकार को सुवाल

¹ एक दन जद्‍या ईसु मन्दर मं लोगा न्अ उपदेस देता हिया चोखो समचार सुणार्यो छो तो परमुख याजक अर यहूदी धरम सखाबाळा यहूदी बुढ़ा नेता की लार बी कन्अ आया।

² वे बीन्अ बुज्या, “म्हान्अ बता तु ये काम कस्या अधिकार सुं करर्यो छ? वो कुण छ ज्यो थन्अ यो अधिकार दियो छ?”

³ ईसु वे जुवाब दियो, “म बी थासुं एक सुवाल बुजु छु, थे मन्अ बतावो

⁴ यूहन्‍ना न्अ बतिस्मा देबा को अधिकार परमेसर सुं मल्यो छो या फेर मनखा सुं?”

⁵ तो वे आमा-सामा बतळार खिया, “अर ज्यो आपा खेवां क परमेसर सुं तो यो खेवलो क थे बीक्अ उपरअ बस्वास क्युं कोन्अ कर्या?

⁶ अर ज्यो आपा खेवां क मनखा सुं तो सबळा मनख आपण्अ उपरअ भाटा बरसावला। क्युं क वे मान्अ छा क यूहन्‍ना एक परमेसर की ओड़ी सुं बोलबाळा छ।”

⁷ तो वे जुवाब दिया क वे कोन्अ जाण्अ क वो कढ्अ सुं मल्यो छ।

⁸ फेर ईसु बान्अ खियो, “तो म बी थान्अ कोन्अ बताऊ क यो काम म कस्या अधिकार सुं करू छु?”

अंगूर को बाग

⁹ फेर ईसु लोगबागा न्अ यो कस्सो खेबा लाग्यो, “कोई मनख अंगूरा को बाग लगार बीन्अ दूसरा कसाणा न्अ सीर मं देदियो अर वो घणादना ताणी कोई कढी चलग्यो।

¹⁰ जद्‍या फसल उतारबा की बगत आई तो वो एक सेवा करबाळा न्अ कसाणा कन्अ खन्दायो क वे बीन्अ अंगूरा का बाग की पाती देदे। पण कसाण बीन्अ मार-कुटर खाली हाथ पाछो खन्दा दिया।

¹¹ जद्‍या वो फेर दूसरा सेवा करबाळा न्अ उण्डअ खन्दायो। पण वे उंकी बी ठुकाई कर गाल्या। वे उंकी लार घणो बरो बुवार कर्या अर बीन्अ बी खाली हाथा पाछो खन्दा दिया।

¹² जद्‍या फेर वो तीसरा सेवा करबाळा न्अ खन्दायो पण वे बीन्अ बी घायल करर बारे धक्‍को दिया।

¹³ जद्‍या बाग को मालिक खेबा लाग्यो, ‘मन्अ कांई करणी चायजे? म म्हारा प्यारा छोरा न्अ खन्दाऊलो।’

¹⁴ पण कसाण जद्‍या बीका छोरा न्अ देख्या तो आमा-सामा बच्यार कर बोल्या, ‘यो तो पाकड़ी को धणी छ, आवो आपा ईन्अ मारद्‍या तो अधिकार आपणो हे जावलो।’

¹⁵ अर वे बीन्अ बाग क बारे नखाळर मार गाल्या। “तो फेर बाग को मालिक बाकी लार कांई करअ लो?”

¹⁶ “वो आवलो अर बा कसाणा न्अ मार गाल्अलो अर अंगूरा का बाग न्अ दूसरा न्अ सुंप देव्अलो।” वे जद्‍या या सुण्या तो खिया, “अस्यान कद्‍या बी कोन्अ हेवलो।”

¹⁷ जद्‍या ईसु वांकाड़ी नाळर खियो, “तो फेर यो ज्यो मण्ढर्यो छ बीको कांई अर्थ छ, ‘जि भाटा न्अ राजा का कारीगर बनाकाम को समझ्या छा बोई कुणा को खास भाटो बणग्यो?’

¹⁸ ज्यो कोई बी बी भाटा प पड़ेलो टुकड़ा-टुकड़ा हे जावलो अर जि प यो पड़ेलो वो चुर्यो-मुर्यो हे जावलो।”

¹⁹ बी बगत यहूदी धरम सखाबाळा अर परमुख याजक कोई गेल्‍लो हेरर बीन्अ पकड़बो छाव्अ छा क्युं क वे जाणग्या छा क वो यो कस्सो बाका बिरोध मेई खियो छ। पण वे लोगा सुं ड़रप्अ छा।

चुंगी देबा को सुवाल

²⁰ तो वे सावधानी सुं बीक्अ उपरअ नजर राखबा लागग्या। वे अस्यान का जासुस खन्दाया ज्यो ईमानदार होबा को सांग रच मेल्या छा। जिसुं वे बीन्अ उंकी खेई बाता मं फसार राज्यपाल की सक्‍ति अर अधिकार क तण्अ करदे।

²¹ तो वे बीन्अ खेर बुज्या, “गरू मे जाणा छा क तु ज्यो सई छ बाई खेव्अ छ अर बीकोई उपदेस देव्अ छ अर न्अ तु कोईको पक्ष लेव्अ छ पण तु तो सांच की लार परमेसर का राज का गेल्‍ला की सक्ष्या देव्अ छ।

²² तो बता म्हाको कैसर न्अ चुंगी देबो सई छ या कोन्अ देबो?”

²³ ईसु बाकी चाल न्अ समझग्यो छो। तो वो बान्अ खियो,

²⁴ “मन्अ एक कल्दार दखावो, ईक्अ उपरअ मुरत अर लखावट कुणकी छ?” वे खिया, “कैसर का।”

²⁵ जद्‍या फेर वो बान्अ खियो, “तो फेर ज्यो कैसर को छ वो कैसर न्अ द्‍यो अर ज्यो परमेसर को छ वो परमेसर न्अ द्‍यो।”

²⁶ वे बीका जुवाब प अचम्बो कर छाना रेग्या अर वो मनखा न्अ ज्योबी खियो छो बी बेई वे बीन्अ कोन्अ पकड़ सक्या।

मरया को पाछो जीवतो हेबो

²⁷ अब देखो एकात सदूकी बी कन्अ आया। ये सदूकी वे छा ज्यो मरया पाछ्अ जीवतो हेबा म बस्वास कोन्अ करअ छा। वे बी कन्अ आर बुज्या,

²⁸ “क ह गरूजी मूसा म्हाक्अ बेई माण्ढ्यो छ क अर ज्यो कोईको भाई मर जाव्अ अर बीक्अ कोई बाळक कोन्अ हेव्अ तो अर बीक्अ बेरबानी हेव्अ तो बीको भाई बी बिधवा सुं बियाऊ कर खुदका भाई बेई ओलाद पैदा करअ।

²⁹ अब देखो सात भाई छा। पहलो भाई कोई बेरबानी सुं बियाऊ कर्यो अर बना ओलाद कई वो मरग्यो।

³⁰ फेर दूसरो भाई बीन्अ पण्ण लियो,

³¹ अर अस्यान'ई तीसरो भाई। सबळा की लार एक जस्यानई होयो अर वे बना कोई ओलाद क ई मरग्या।

³² पाछ्अ बा बेरबानी बी मरगी।

³³ अब बतावो मरया पाछ्अ जीवता हिया सुं बा बेरबानी कुणकी घरहाळी हेवली क्युं क बीसुं तो सातू बियाऊ कर्या छा?”

³⁴ जद्‍या ईसु बान्अ खियो, “ई जुग का मनख बियाऊ करअ छ अर बियाऊ कर न्यारा हे जाव्अ छ।

³⁵ पण वे मनख ज्योबी जुग का कोई हस्सा का काम का अर मरया मंसुं जीवता हेबा बेई थरप्या गिया छ, वे न्अ तो बियाऊ करअला अर न्अ बियाऊ कर न्यारा कर्या जावला।

³⁶ अर वे फेर कद्‍या बी कोन्अ मरेला, क्युं क वे सरगदूता की न्याऊ छ, वे परमेसर की ओलाद छ, क्युं क वे मरया पाछ्अ जीवता हिया की ओलाद छ।

³⁷ पण मूसा बी झाड़ की कथा मं या बात दखायो छ क मरया जुवाया जाव्अ छ, अर वो खियो छ क परबु, अबराम को परमेसर छ, इसहाक को परमेसर छ अर याकूब को परमेसर छ

³⁸ वो मरया कोन्अ पण जीवता को परमेसर छ। वे सबळा मनख ज्यो बीका छ जीवता छ।”

³⁹ एकात यहूदी धरम-सास्तरी खिया, “गरू सई खिया।”

⁴⁰ क्युं क फेर बीसुं सुवाल बुजबा की कोई की हिम्मत कोन्अ कर्या।

मसी राजो दाऊद का बंस को

⁴¹ ईसु बान्अ खियो, “बे खेव्अ छ क मसी दाऊद को छोरो छ। या कस्यान ह सक्अ छ?”

⁴² क्युं क भजन संहिता की कताब मं दाऊद खुद खियो छो क, परबु परमेसर म्हारा परबु मसी न्अ खियो म्हारी जीवणी बाजु बेठ,

⁴³ जद्‍या ताणी म थारा बरोध्या न्अ थारा पग धरबा की चोकी कोन्अ बणाद्‍यु।

⁴⁴ अस्यान दाऊद जद्‍या मसी न्अ परबु खेव छ तो मसी दाऊद को छोरो कस्यान ह सक्अ छ?

सास्तरया न्अ धिक्‍कार

⁴⁵ सबळा क सुणता वो खुदका चेला न्अ खियो,

⁴⁶ “यहूदी धरम सखाबाळा सुं सावधान रेवो। वे लम्बा जंगळा फेरर अण्डी-उण्डी फरबो छाव्अ छ, हटवाड़ा का बजारां मं आदर की लार सुवागत-सत्कार पाबो छाव्अ छ। अर यहूदी परातना-सभा मं वे सबसु ऊंची ठार की लालसा रखाण्अ छ। दावता मं वे आदर हाळी ठार छाव्अ छ।

⁴⁷ वे रांडबेरा का घर-बार लूट लेवे छ। दखाबा बेई वे लाम्बी-लाम्बी परातना करअ छ। या मनखा न्अ कळ्डा सुं कळ्डो डण्ड भगतणो पड़ेलो।”