गलातियों 6 - चोखो समचार (ढुंढाड़ी नया नियम)

आमा-सामा एक-दूसरा की सायता करो

¹ ह भायाओ, ज्यो थाम्अ सुं कोई पाप करतो पकड़यो जाव्अ तो थां आत्मिक मनखा न्अ चायजे क नम्रता सुं उन्अ धरम का गेल्‍ला मं पाछो ल्याबा मं सायता करो। अर खुद बी सावचेत रेवो क कढी थे कोई पाप मं कोन पड़जावो।

² दुख मं एक-दूसरा की सायता करो। अस्यान थे मसी की बेवस्था न्अ मान्अला

³ अर ज्यो कोई खास कोन होता होया बी खुदन्अ खास मान्अ तो वो खुदन्अ धोखो देर्यो छ।

⁴ अर हरेक मनख न्अ खुदका कामा न्अ परखणी चायजे क वे कस्यान का छ। अर ज्यो वे चोखा छ तो दूसरा का कामा का बारा मं सोच्या बना वांन्अ खुदका कामा प्अ गरव करबा को मोको मल्अलो।

⁵ क्युं क खुदको बोझ खुदन्अ ई उठाणी पड़्अलो।

⁶ जिन्अ परमेसर को बचन सुणायो गियो छ, उन्अ चायजे क ज्यो चोखी चीजा उकन्अ छ, उम्अ सखाबाळा न्अ पांतिदार बणाव्अ।

⁷ खुदन्अ मत छळो। परमेसर न्अ कोई बी मुरख कोन बणा सक्अ। क्युं क ज्यो जस्यो बाव्अलो वस्यान कोई काट्अलो।

⁸ अर ज्यो खुदकी पापी काया बेई बाव्अलो, वो खुदकी पापी काया सुं नास लावण्अलो। पण ज्यो पवितर-आत्मा का खेत मं बाव्अलो वो पवितर-आत्मा सुं सदामेस की जन्दगी लावण्अलो।

⁹ जिसुं आपा कद्‍या बी भलाई करबा सुं कोन थांका, क्युं क सई बगत आया सुं आपान्अ उंको फळ मल्अलो।

¹⁰ तो जस्यानई कोई मोको मल्अ, आपान्अ सबळा की लार भलाई करणी चायजे, खास तो आपणा बस्वासी भाया की लार।

कागद को अन्त

¹¹ देखो अब, म खुद म्हारा हाथा सुं थान्अ मोटा-मोटा आंक माण्ढ़र्यो छु।

¹² अस्या मनख ज्यो काया को दखावो करबो छाव्अ छ, वे थांप्अ खतना कराबा को जोर देव्अ छ। पण वे अस्यान जिसुं करअ छ क वान्अ मसी का करूस का परचार की बजेसुं दुख कोन उठाणा पड़्अ।

¹³ क्युं क ज्यांको खतनो ह चुक्यो, वे खुद तो मूसा का निमा न्अ कोन मान्अ पण फेरबी वे छाव्अ छ क थे खतनो करावो जिसुं वे थांका काया का खतना कराबा सुं घमण्ड कर सक्अ।

¹⁴ परबु ईसु मसी का उं करूस न्अ छोड़र मन्अ ओर कांई प बी घमण्ड कोन होव्अ। क्युं क करूस माळ्अ संसार म्हारअ बेई अर म संसार बेई मरग्यो।

¹⁵ क्युं क न्अ तो खतना को कोई मतबल अर न्अ बना खतना को पण ज्यो मतबल छ तो वो नुई सृष्टी को छ।

¹⁶ जिसुं ई रीत प चालबाळा अर वा इजरायल्या प्अ ज्यो मसी प्अ बस्वास करअ छ वाप्अ परमेसर की सांति अर दीया होती रेव्अ।

¹⁷ अब म आखरी मं थासुं अरदास करू छु क अब मन्अ कोई ओर दुख मतद्‍यो। क्युं क म तो पेलीसुंई खुदकी काया मं ईसु का घाव लिया फरू छु।

¹⁸ ह भायाओ, आपणा परबु ईसु मसी की दीया थां सबळा की लार बणी रेव्अ। अस्यान'ई हो जाव्अ!