इफिसुस 6 - चोखो समचार (ढुंढाड़ी नया नियम)

बाळक अर माई-बाप

¹ ओ बाळकाओ, परबु का गठजोड़ की बजेसुं थांका माई-बाप को खियो मानो, क्युं क योई सई छ।

² “खुदका माई-बाप को आदर कर।” या पेली आज्ञा छ जिकी साथ वादो छ क

³ “जिसुं थांको भलो होव्अ अर थे धरती माळ्अ लाम्बी उमरहाळा होओ।”

⁴ ओ माई-बापओ, थे खुदका बाळका न्अ रोष मत दुवाओ पण परबु सुं मली सक्ष्या अर सई-गलत को फरक सखाता होया बांको पालण-पोषण करो।

मालिक अर हाळी

⁵ ओ हाळीओ, जस्यान थे मसी की आज्ञा मानो छो वस्यानई थे संसार का मालिका की आज्ञा डरपता अर कांपता होया जीजान सुं मानो।

⁶ मनखा न्अ राजी करबाळा की जस्यान दखाबा क ताणी बांकी चाकरी मत करो पण मसी का दास की जस्यान मन सुं परमेसर की मरजी पूरी करो।

⁷ अर बी सेवा न्अ मनखा की नही पण परबु की जाणर चत लगार करो।

⁸ थे जाणो छो क, थाम्अ सुं हरेक छाव्अ वो हाळी होवे या फेर आजाद, दोन्या न्अ बांका भला कामा ताणी परबु ईनाम देव्अलो।

⁹ ओ मालिकओ, थे बी थांका हाळ्यां की लार बियान् को ई बुवार करो अर बान्अ डरपाबो छोड़द्‍यो। थे जाणो छो क बांको अर थांको मालिक सरग मं छ अर वो मुण्ढा देखर न्याऊ कोन करअ।

परबु का कवच न्अ पेरल्यो

¹⁰ आखरी बात या छ क परबु का गठजोड़ अर बीकी तगड़ी-तागत सुं मजबूत होता जावो।

¹¹ परमेसर का सबळा कवच न्अ पेरल्यो। जिसुं थे सेतान की चाल को सामनो कर सको।

¹² क्युं क आपणी लड़ाई मनखा सुं कोन्अ पण उपरली भाळ मं रेबाळा बरा राजा, अधिकारयां, काळी दनीया मं राज करबाळी अन्धेरा की सक्त्यां अर गन्दी आत्मा सुं छ।

¹³ जिसुं परमेसर का सबळा कवच न्अ पेरल्यो क थे बरा दन मं बीको सामनो कर सको अर आखरी ताणी लड्‍या पाछ्अ बी डट्‍या रे सको।

¹⁴ तो सांच को पट्टो कमर मं बान्धल्यो। अर झुल पेरल्यो, मतबल परमेसर क साम्अ सही करो।

¹⁵ अर जूता पेरल्यो, ज्यो मेळजोळ कराबाळा चोखा समचार को परचार करबा ताणी त्यार होबा जस्यान छ,

¹⁶ अर या सबळा की लार बस्वास की ढ़ाळ लेओ जिसुं थें बी सेतान की सबळी बळती तीरां न्अ बुझा सको।

¹⁷ अर उद्धार को टोप, अर पवितर-आत्मा की तलवार ज्यो परमेसर को बचन छ लेल्यो।

¹⁸ पवितर-आत्मा सुं सदाई हर तरा सुं परातना अर अरदास करबा ताणी जागता रेवो। सबळा परमेसर का पवितर मनखा ताणी लगतमार परातना करता रेवो।

¹⁹ अर म्हारअ ताणी बी अरदास करज्यो क जद्‍या म बोलु, बी बगत परमेसर मन्अ अस्यानको बचन देव्अ क हिम्मत रांखर चोखा समचार का राज न्अ बता सकुं।

²⁰ म ई चोखा समचार का परचार करबा की बजेसुं साकळ्या मं बन्धेड़ो परमेसर को दूत छु। म्हारअ ताणी अरदास करो क जस्यान मन्अ परचार करणी चायजे, वस्यानई बना ड़र सुं परचार कर सकुं।

आखरी नमस्कार

²¹ म कस्यान छु अर कांई करर्यो छु, बा सबळी बाता थान्अ परबु को बस्वासहाळो सेवक अर आपणो लाड़लो भाई तुखिकुस बता देव्अलो।

²² म बिन्अ ई बजेसुं खन्दार्यो छु क म्हाका समचार थान्अ देव्अ अर थांकी हिम्मत बढ़ाव्अ।

²³ ओ भायाओ, थां सबळा न्अ परम-पिता परमेसर अर परबु ईसु मसी सुं बस्वास की लार सांति अर परेम मल्अ।

²⁴ आपणा परबु ईसु मसी सुं अमर परेम रांखबाळा सबळा क माळ्अ परमेसर की दीया होती रेव्अ।