2 तीमुथियुस 4 - चोखो समचार (ढुंढाड़ी नया नियम)1 परमेसर न्अ गुवा बणार मसी ईसु न्अ खुदकी गुवाई बणार ज्यो सबळा जीवता अर ज्यो मर चुक्या वांको न्याऊ करबाळो छ, क्युं क उंको राज अर उंको पाछो आबो सांकड्अ छ, म थान्अ आज्ञा देर्यो छु, 2 चोखा समचार को परचार कर। छाव्अ थन्अ आराम होव्अ या परेसानी, खुदको काम करबा बेई तियार रे। लोगबागा न्अ कांई करणी चायजे, वान्अ समझा। जद्या वे कोई बरो काम करअ तो वान्अ चता। लोगबागा न्अ थरचा सुं समझाता होया हिम्मत बन्दा। 3 म या जिसुं बतार्यो छु क एक बगत अस्यान की आवली जद्या लोगबाग चोखा उपदेस न्अ सुणबो बी कोन छाव्अला। अर खुदकी मन्सा की जस्यान घणा गरूजी भेळा कर लेव्अला, ज्यो वाई सुणाव्अला ज्यो वे सुणबो छाव्अला। 4 वे खुदका काना न्अ सांच सुं हटार कस्सा कहाण्या प लगा लेव्अला। 5 पण तु निस्चित होर हरेक दसा मं खुदन्अ सम्भाळ्या रांख, दुख झेल अर चोखा समचार का परचार को काम कर। ज्यो सेवा थन्अ सुंपी गई छ, उन्अ पूरी कर। 6 जण्ढ्अ ताणी म्हारी बात छ, म्हारा बलिदान की अर ई जन्दगी सुं बद्या होबा की बगत आगी। 7 म खुब चोखा लड़यो छु अर म म्हारी दोड़ न्अ पूरी करलियो। म बस्वास का पंथ की रक्ष्या कर्यो छु। 8 अब जीत को मुकुट म्हारी बाठनाळर्यो छ। उं दन सांचो न्याऊ करबाळो परबु मन्अ जीत को मुकुट फरावलो। मन्अ ई नही पण वां सबळा न्अ बी ज्यो परेम सुं उंका आबाकी बाठनाळरया छ। खुदको संदेसो 9 जतरो बेगो हो सक्अ मंसुं मलबा आबाकी कोसिस करज्यो। 10 क्युं क ई जगत का मोह मं पड़र देमास मन्अ छोड़ दियो अर वो थिस्सलुनीके नगर मं चलग्यो। क्रेसकेंस गलातिया नगर मं अर तीतुस दलमतिया नगर मं चलग्या। 11 लूको ई म्हारअ कन्अ छ। मरकुस कन्अ जाज्यो अर जद्या तु आव्अ तो उन्अ बी थारी लारा लियाज्यो क्युं क म्हारा काम मं वो म्हारो सायक हो सक्अ छ। 12 तिखिकुस न्अ मं इफिसुस नगर खन्दायो छु। 13 जद्या तु आव्अ तो उं कोट न्अ जिन्अ मं त्रोआस नगर मं करपुस क घरा छोड़यायो छो, लेतो आज्यो। म्हारी पोथ्या, अर खास कर तो चामड़ा की पोथ्या न्अ बी लेतो आज्यो। 14 तांबा को काम करबाळो सिकन्दर मन्अ घणो कळेस दियो छ। वो जस्यान को कर्यो छ परबु उन्अ वस्यान को ई फळ देव्अलो। 15 तु बी उसुं सावचेत रिज्यो क्युं क वो आपणा उपदेस को घणो बिरोध करतो रेव्अ छ। 16 जद्या मन्अ कचेरी मं पेली बार सफाई देणी पड़ी तो कोई बी म्हारो साथ कोन दिया। पण वे तो मन्अ ऐकलो छोड़ दिया छा। परमेसर करअ वान्अ ईको हिसाब कोन देणी पड़्अ। 17 म्हारा पक्ष मं तो परबु उबो होर मन्अ सक्ती दियो छो क मंसुं चोखा समचार को खुब परचार हो सक्अ, जिन्अ सबळा गेर यहूदी सुण सक्या। वो मन्अ नार का मुण्ढा मंसुं बचा लियो। 18 कोई बी पापहाळा हमला सुं परबु मन्अ बचावलो अर खुदका सरगराज मं सुरक्षा सुं लेर जाव्अलो। उंकी महमा सदा-सदा ताणी होती रेव्अ। अस्यान'ई हो जाव्अ! आखरी नमस्कार 19 प्रिसकिल्ला, अक्विला अर उनेसिफुरुस का परवार न्अ नमस्कार खिज्यो। 20 इरास्तुस कुरिन्थ मं रुकग्यो। म त्रुफिमुस न्अ उंकी बिमारी की बजेसुं मिलेतुस नगर मं छोड़ दियो। 21 स्याळा सुं पेली आबाकी जोरी करज्यो। यूबुलुस, पूदेंस, लिनुस अर क्लौदिया अर सबळा मसी बस्वासी भाया को थन्अ नमस्कार पुच्अ। 22 परबु थारी लारा रेव्अ। थां सबळा प परमेसर की दिया होव्अ। |
(c) 2010-2017, New Life Computer Institute. All rights reserved